Ադրբեջանում ձերբակալել են լրագրող Շահնազ Հուսեյնովային (Բեյլարգիզի): Ինչպես հայտնում են այդ երկրի ԶԼՄ-ները, ՆԳՆ-ին հղումով, թղթակցուհին ձերբակալվել է հետաքննության անհրաժեշտության պատճառով։
Նշվում է, որ նրա բնակարանում խուզարկություն է կատարվել։ Ենթադրվում է, որ Շահնազը ձերբակալվել է Toplum TV-ի գործով:
Ավելի վաղ հայտնել էինք, որ այսօր ձերբակալվել է նաև մեկ այլ լրագրող՝ Arqument.az կայքի ղեկավար Շամշադ Աղան՝ այս դեպքում որպես Meydan TV-ի գործով կասկածյալ։
Ըստ տեղի ԶԼՄ-ների, լրագրողը մեղադրվում է մաքսանենգության մեջ։ Ադրբեջանի ՆԳՆ-ում հաստատել են Աղային ձերբակալելու փաստը։
Հավելենք, որ ալիևյան ռեժիմը վերջին շրջանում շարունակում է տարբեր շինծու մեղադրանքներով լրատվամիջոցների ղեկավարների և աշխատակիցների ձերբակալել: Այս մասին ահազանգում են այդ երկրի հատուկենտ ընդդիմադիր լրատվականներն ու իրավապաշտպանները։
Բաց մի թողեք
Խոպանչիները մտահոգ են, ՌԴ-ում ուզում են սկսել հարկել ֆինանսական փոխանցումները
Դավիթաշենում նախկինում տնկված ու խնամված ծառերը փորձել են «քոքից» կտրել. Լուսանկար
«Ես ի՞նչ իմանամ՝ շտաբի պետի պարտականությունը թողնել, փախչե՞լն ա, թե՞ զորքին ղեկավարելը»