Երգչուհի Իվետա Մուկուչյանն ինստագրամյան իր էջի սթորի բաժնում անդրադարձել է «Դեպի Եվրատեսիլ 2025»-ի մասնակիցներին:
«Ես հիացած եմ և շատ ուրախ եմ: Ողջունում եմ, որ վերջապես մենք ունենք արտակարգ, նոր ու թարմ արտիստներ մեր շուկայում: Եթե ուզում եք իսկական արտիստ տեսնել, ինձ համար միանշանակ Սիմոնն է:
Բեմի վրա այդ ազատությունը նա ճիշտ մատուցում է և ես նրան հավատում եմ ինչ էլ, որ նա բեմում անի:
Աթենայի կատարումն ինձ համար հիանալի էր, երգը ուժեղ չէր, բայց կատարումն ու մնացած ամեն ինչ իդեալական էր:
Շնորհավորում եմ Պարգին, վստահ եմ, որ ամեն ինչ լավ է լինելու: Կարծում եմ՝ կախված է նրանից, թե մյուս երկրներն այս տարի ինչ երգեր են ներկայացնելու: Բայց նա ուժեղ արտիստ է, ուժեղ երգ է»,- նշել է Իվետա Մուկուչյանն ու կես լուրջ, կես կատակ հավելել, որ Հանրային հեռուստաընկերությունն իրեն այս տարի չի հրավիրել համերգին:
«Կարող էիք որպես հաղորդավար հրավիրել, կամ պարզապես հրավիրել ներկա գտնվելու, ես միևնույն է՝ այդ օրը զբաղված էի, չէի կարող գալ, բայց դուք պետք է հրավիրեիք»,- նշել է երգչուհին:
Բաց մի թողեք
Մեկ հարց․ Երաժշտական նախընտրություններս կարող են թվալ խայտաբղետ, իրականում ․․․ Տիգրան Խզմալյան
Տիգրան Պետրոսյանի մատների տակ դաշնամուրը խոսում էր երբեմն խոհուն, երբեմն կրքոտ, իսկ երբեմն էլ՝ խաղային ու ազատ․ Տեսանյութ
«Տաղարան»-ը նշում է 45-ամյակը․ Լուսանկարներ