ԱՄՆ վարչակազմը չի դադարեցրել Ուկրաինային զենքի մատակարարումը, սակայն ռազմական օգնության նոր փաթեթներ ձևավորելու հնարավորության մասին որոշում դեռ չկա։
Այս մասին հայտարարել է ԱՄՆ պետքարտուղար, նախագահի ազգային անվտանգության հարցերով խորհրդականի ժամանակավոր պաշտոնակատար Մարկո Ռուբիոն։
«Այդ ծրագիրը չի չեղարկվել: Նրանք շարունակում են զենք ստանալ»,- ասել է նա Սենատի արտաքին հարաբերությունների հանձնաժողովում լսումների ժամանակ:
Ռուբիոյին հարցրել են, թե արդյո՞ք Վաշինգտոնի վարչակազմը պատրաստ է միջոցներ խնդրել Կոնգրեսից Ուկրաինային սպառազինությունների ևս մեկ փաթեթի համար: «Դա այլ որոշում է: Դա իմ որոշելիքը չէ: Սպիտակ տունը պետք է որոշում կայացնի, թե արդյոք գնալ Կոնգրես լրացուցիչ ֆինանսավորման համար: Բայց այն ամենը, ինչ հաստատվել և հատկացվել է Կոնգրեսի կողմից, շարունակում է ուղարկվել», – ասել է պետքարտուղարը:
Բաց մի թողեք
ԱՄՆ Ներկայացուցիչների պալատն արգելափակել է Թրամփի՝ Կանադայի դեմ սահմանած մաքսատուրքերը
Գերմանիան իր քաղաքացիներին կոչ է արել զգույշ լինել Թուրքիա մեկնելիս
Լեհաստանը չի միանա Թրամփի «Խաղաղության խորհրդի» աշխատանքներին այս պայմաններում․ վարչապետ