Իրանում մահապատժի են ենթարկել «Մոսադ»-ի գործակալին

Իրանում մահապատժի են ենթարկել Իսրայելի օգտին լրտեսության մեջ մեղավոր ճանաչված տղամարդու, հաղորդում են իրանական լրատվամիջոցները։

Իսմայիլ Ֆիքրին, ինչպես պնդվում է, եղել է իսրայելական հետախուզության՝ «Մոսադի» գործակալ։ Լրտեսության մեջ մեղավոր ճանաչված Ֆիքրին կախաղան է բարձրացվել։

«Գործի նյութերի համաձայն՝ դրամական պարգևի դիմաց նա Իրանի մասին գաղտնի տեղեկություններ է փոխանցել պետության թշնամիներին։ Նա կապ է պահպանել «Մոսադի» երկու աշխատակիցների հետ։ Դա օգնել է Իսրայելին երկրում իրականացնել բարդ հետախուզա-դիվերսիոն գործողություններ»,- ասվում է Իրանի դատական ​​համակարգի մամուլի ծառայության հայտարարության մեջ

Այս մահապատիժը վերջին շաբաթների ընթացքում երրորդն էր՝ կապված Իսրայելի օգտին լրտեսության հետ։