Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույցի ընթացքում «բացահայտվեց» այն միտքը, որ Ռուսաստանի և Ուկրաինայի միջև հակամարտությունը Թրամփի համար ամենադժվարն է, ըստ Ռուսաստանի նախագահի օգնական Յուրի Ուշակովի։
«Այն միտքը, որ ռուս-ուկրաինական հակամարտությունն ամենադժվարն է, […] բառացիորեն զգացվում էր նրա [Թրամփի] արտահայտություններում՝ ողջ զրույցի ընթացքում»,- ասել է նա։
Ուշակովը բնորոշ է համարել, որ Թրամփի գլխավոր թեզերից մեկն այն էր, որ հակամարտության ավարտը «հսկայական» հեռանկարներ կբացի ԱՄՆ-ի և Ռուսաստանի միջև տնտեսական համագործակցության զարգացման համար։
Հիշեցնենք, որ Պուտինը և Թրամփը զրուցել են հոկտեմբերի 16-ի երեկոյան։ Զրույցի գլխավոր թեման Ռուսաստանի և Ուկրաինայի հակամարտության ավարտն էր։ Զանգի արդյունքներով Թրամփը հայտնել էր, որ նրանք պայմանավորվել են Բուդապեշտում հանդիպելու մասին, ինչը հաստատել էր Հունգարիայի վարչապետ Վիկտոր Օրբանը։
Բաց մի թողեք
Թող երկուսն էլ հայտարարեն իրենց հաղթանակի մասին, թող պատմությունը որոշի
Թուրքիան զինում է Սիրիային, ինչ է սպասվում քրդերին
Թրամփը «ծանր» հանդիպման ժամանակ մերժել է Զելենսկիին «Տոմահավկ» հրթիռների հարցով