ԱՄՆ նախագահ Դոնալդ Թրամփը տեղի ունեցած ընթրիքի ընթացքում կատակով խոսել է Կանադայի, Գրենլանդիայի և Վենեսուելայի՝ Միացյալ Նահանգներին միանալու մասին։
Նրա խոսքերը մեջբերում է ամերիկյան Washington Post թերթը։
«Մենք չենք պատրաստվում ներխուժել Գրենլանդիա։ Մենք պատրաստվում ենք այն գնել։ Ես երբեք մտադրություն չեմ ունեցել Գրենլանդիան դարձնել 51-րդ նահանգ։ Ես ցանկանում եմ Կանադան դարձնել 51-րդ նահանգը։ Գրենլանդիան կլինի 52-րդը, իսկ Վենեսուելան կարող է դառնալ 53-րդը»,-հոդվածում մեջբերվում են նախագահի խոսքերը։ Հոդվածի հեղինակը նշում է, որ Թրամփը ԱՄՆ տարածքային ընդլայնման թեմային անդրադարձել է բազմիցս։
Ավելի ուշ, նախագահը հեգնանքով հավելել է, որ ստիպված կլինի կրճատել իր ելույթը, որպեսզի հասցնի ուղիղ եթերում դիտել ամերիկյան «ներխուժումը» Գրենլանդիա։
Գրենլանդիան պատկանում է Դանիայի թագավորությանը, սակայն ԱՄՆ նախագահ Դոնալդ Թրամփը բազմիցս կրկնել է, որ կղզին պետք է դառնա Միացյալ Նահանգների մաս՝ հղում անելով դրա ռազմավարական կարևորությանը ազգային անվտանգության համար։ Ամերիկացի առաջնորդը հրաժարվել է խոստում տալ, որ չի կիրառելու ռազմական ուժ՝ Գրենլանդիայի վերահսկողությունը հաստատելու համար։
Բաց մի թողեք
Եվրոպական հանձնաժողովը հայտարարում է կիբերհարձակման դեմ պայքարի ԵՄ-ի «գործողությունների ծրագրի» մասին
Ալի Խամեյնին Վաշինգտոնին «առաջարկում է իշխանության տրանզիտի հնարավորություն թողնել»
«Խաղաղություն ապահովելու լավագույն միջոցը իրական զսպան գործիքներ ունենալու մեջ է»