«Լրագրողներ առանց սահմանների» կազմակերպությունը հրապարակել է մամուլի վերաբերյալ իր տարեկան՝ «Մամուլի ազատության ինդեքս 2026» զեկույցը, որի համաձայն՝ Հայաստանը վատթարացրել է դիրքերը։
Ի տարբերություն նախորդ տարվա ցուցանիշի՝ 34-րդ հորիզոնական, Հայաստանը հետընթաց է գրանցել՝ աշխարհի 180 երկրների շարքում զբաղեցնելով 50-րդ հորիզոնականը։ Հետընթացը գրանցվել է բոլոր 5 ցուցիչներով։ Ցուցանիշը դասվել է «խնդրահարույց» կատեգորիայի ներքո։
Նշվել է, որ չնայած Հայաստանի բազմազան մեդիադաշտին, այն շարունակում է մնալ բևեռացված։
«Երկիրը բախվում է ապատեղեկատվության և ատելության խոսքի աննախադեպ մակարդակի, ինչը սնուցվում է ներքին քաղաքական լարվածությամբ, սահմանային անվտանգության խնդիրներով և Ռուսաստանի ու Եվրոպական միության միջև Հայաստանի բարդ դիրքով»,- նշել է կազմակերպությունը:
Ըստ կառույցի՝ լրագրությունը որպես մասնագիտություն Հայաստանում հաճախ արժեզրկվում է և ենթարկվում ատելության խոսքի, քաղաքական գործիչները լրագրողներին մեղադրում են «կոռուպցիայի» կամ իրենց հակառակորդների շահերը սպասարկելու մեջ:
«Լրագրողները հաճախ ճնշումների, վիրավորանքների և բռնության են ենթարկվում ինչպես իշխանության ներկայացուցիչների, այնպես էլ ընդդիմադիր քաղաքական գործիչների և նրանց աջակիցների կողմից՝ խորհրդարանում, փողոցում և սոցիալական մեդիայում»,- ասված է զեկույցում:
Իրավապաշտպանները նշել են, որ լրագրողների նկատմամբ բռնության դեպքերը հաճախ մնում են անպատիժ:
Բաց մի թողեք
Անգիրը վատ արած աշակերտի պես հարցազրույցի ժամանակ նա մոռանում է Ստամբուլում կարդացած իր տեքստը
Պետության եւ իշխող կուսակցության նույնացման ցուցադրումը՝ նույնիսկ ԵԱՀԿ/ԺՀՄԻԳ դիտորդների ներկայությամբ
«Մենք ենք մեր սարերը» հուշարձանը դարձել է Բաքվի հակահայկական ռազմավարության հերթական թիրախը. Ավանեսով