«Google-ի գոյության ողջ ընթացքում Google Maps-ը ինչքան գոյություն է ունեցել, այդ անունն այնտեղ է եղել, այլ բան, որ ոմանք նոր են դա նկատել»։
Այս մասին լրագրողների հետ ճեպազրույցում ասաց վարչապետ Նիկոլ Փաշինյանը՝ անդրադառնալով Տիգրանաշենի վերաբերյալ լրագրողի հարցին։
«Ձեր հարցը հիմնված է երկու բազիսային դրույթի վրա, երկուսն էլ սուտ է։ Առաջին՝ որ Google-ում որևէ անուն է փոխվել։ Google-ի գոյության ողջ ընթացքում այդ անունը եղել է այդտեղ։ Սկսենք այդտեղից։ Ողջ ընթացքում։ Այսինքն՝ Google Maps-ը կամ Google Earth-ը ինչքան գոյություն է ունեցել, այդ անունն այդտեղ եղել է։ Այլ բան, որ ոմանք նոր են նկատել դրա մասին»,- ասաց վարչապետը։
Նիկոլ Փաշինյանը նաև նշեց՝ կան հարցեր և անկլավների թեմայից չենք կարող հրաժարվել մի պարզ պատճառով, որովհետև մենք ինքներս ունենք անկլավ՝ Արծվաշենը. «Եթե որևէ մեկը հրաժարվի, դա քրեական պատասխանատվության հիմք է, ոչ մեկը չի կարող ՀՀ ինքնիշխան տարածքից հրաժարվել․ սա պարզ թեմա չէ։ Որևէ պայմանավորվածություն, որևէ ռազմավարություն, որևէ հայեցակարգ այս պահի դրությամբ այս հարցի լուծման հետ կապված չկա։ Ես չեմ խոսում անկլավների թեմայի մասին, ես խոսում եմ ՀՀ ինքնիշխան տարածքների վերադարձի մասին և սահմանազատման թեմայի հետ կապված, ես խոսում եմ ՀՀ ինքնիշխան տարածքի մեր վերահսկողության ներքո վերադարձի մասին։ Եթե սահմանազատման ընթացքում, ինչպես կանոնակարգով նախատեսված է, որոշ օպտիմալացումներ կլինեն, կարող է և լինի և եթե լինի, կլինի բաց, հրապարակային և թափանցիկ։ Մի բան հստակ է և աներկբա․ սահմանազատման արդյունքներով ՀՀ տարածքը 29 հազար 743 քառակուսի կիլոմետր է․ սա երկաթյա տրամաբանություն է»։
«Քարոզարշավի ընթացքը գնահատում եմ շատ լավ և կարծում եմ, որ իմ էմոցիաները արթնացրել են նաև ժողովրդի էմոցիաները»,- ասաց վարչապետ Նիկոլ Փաշինյանը՝ նկատելով, որ այն, ինչ տեսնում ենք, իր ընկալմամբ, նման է 2018-ի Թավշյա հեղափոխության պրոցեսներին. «Եթե 2018-ին արդյունքում մենք հեղափոխությունն անվանեցինք ոչ բռնի, թավշյա հեղափոխություն, այս անգամ պրոցեսները ես պայմանական անվանում եմ երեխաների հեղափոխություն, որովհետև երեխաներն են շատ ակտիվ, և իրականում իրենք են էս քաղաքական պրոցեսի հիմնական էներգիայի աղբյուրը, ինչը շատ խորհրդանշական է և պարտավորեցնող։ Ես պատկերացնում եմ Հայաստանը խաղաղ, ինքնիշխան, խաղաղության համաձայնագիրը Ադրբեջանի հետ ստորագրված, վավերացված, սահմանազատումն ավարտված, ճանապարհները բացված և 15 տարի հետո ՀՆԱ-ն իրական արժեքով առնվազն կրկնապատկված։ Այսինքն՝ ժողովրդավարական, ազատ, անկախ, բարեկեցիկ պետություն, որը, պայմանական ասած, խաղաղության խաչմերուկն է»։
Բաց մի թողեք
Ուշադրություն․ կեղծ հաղորդագրություններ են ուղարկվում. Լուսանկար
Սադրանք է, հայ ընտրողներին վախեցնելու փորձ․ Մոսկվան՝ The Insider-ի զրպարտությունների մասին
Վրաստանին և Հայաստանին փորձում են գժտեցնել իրար հետ․ Կոբախիձե