ԱԺ «Հայաստան» խմբակցության պատգամավոր Իշխան Սաղաթելյանը անդրադարձել է ընդդիմադիր ուժերի նախընտրական գործունեությանը և իրավապահ մարմինների գործողություններին։
Նրա խոսքով՝ Հակակոռուպցիոն կոմիտեն խուզարկություններ է իրականացրել «Հայաստան» դաշինքի մի շարք նախընտրական շտաբներում, այդ թվում՝ Աշտարակում, ինչպես նաև Աշոտ Սիմոնյանի բնակարանում։
Սաղաթելյանը հայտարարել է, որ իշխանությունները նման քայլերով փորձում են խոչընդոտել ընդդիմադիր քաղաքական ուժերի աշխատանքը և սահմանափակել նրանց նախընտրական գործունեությունը։ Նա նշել է, որ, իր գնահատմամբ, այդ գործողությունների նպատակն է ազդեցություն գործադրել դաշինքի աջակիցների, համակիրների և ընտրողների վրա։
Պատգամավորը վստահեցրել է, որ նման մեթոդներով հնարավոր չի լինելու խաթարել իրենց գործունեությունը և հասնել ցանկալի արդյունքի։
Նա նաև կոչ է արել միջազգային դիտորդներին ուշադրություն դարձնել տեղի ունեցող գործընթացներին և դրանց վերաբերյալ համապատասխան գնահատականներ հնչեցնել։
Բաց մի թողեք
Խիստ լարված իրավիճակ. Բագրատաշենի անցակետ տանող ճանապարհը վարորդները փակել են. Տեսանյութ
Նրան ճնշում են, թե չեն ճնշում, ես գործ չունեմ. Կարապետյան
«Բոլորին դեմ եմ» կուսակցությունը «Գործ կարելու» ակցիա է իրականացրել. Լուսանկար