Ղրղզստանն ու Ուզբեկստանը սկսել են Չոն-Գարա և Տաշ-Դոբո գյուղերի՝ Ղրղզստանին պաշտոնական փոխանցման կազմակերպչատեխնիկական աշխատանքները։ Այդ մասին հայտնել է Բատկենի մարզում Ղրղզստանի նախագահի լիազոր ներկայացուցչությունը։
Օգոստոսի 3-ից գյուղերում աշխատանք են սկսել երկու երկրների համատեղ աշխատանքային խումբը։ Մասնագետները հաշվառում են բնակիչներին և պարզաբանում հետագա փաստաթղթավորման ընթացակարգը։
Գործընթացն իրականացվում է ղրղզա-ուզբեկական պետական սահմանի դեմարկացիայի և հողատարածքների փոխանակման վերաբերյալ ձեռք բերված համաձայնությունների շրջանակում։
Համատեղ աշխատանքային հանձնաժողովի հերթական նիստը հուլիսի 24-ին անցկացվել է Ղրղզստանի Բատկենի մարզի Կադամջայի շրջանում։ Կողմերը քննարկել են փոխանցվող տարածքների բնակիչների քաղաքացիական կարգավիճակի, գույքային իրավունքների, տնտեսական գործունեության, ինչպես նաև հնարավոր վերաբնակեցմանն առնչվող կազմակերպչական հարցերը։
Չոն-Գարա և Տաշ-Դոբո գյուղերում հիմնականում բնակվում են էթնիկ ղրղզներ։ Նախնական տվյալներով՝ երկու բնակավայրերի ընդհանուր բնակչությունը կազմում է շուրջ 2,5 հազար մարդ։ Հաշվառման ավարտից հետո կսկսվի օրենսդրությամբ նախատեսված՝ բնակիչներին Ղրղզստանի քաղաքացիություն տրամադրելու գործընթացը։
Սահմանային համաձայնությունների համաձայն՝ դրա դիմաց Ղրղզստանը Ուզբեկստանին կփոխանցի համարժեք մակերեսով այլ հողատարածքներ։
Բաց մի թողեք
Թրամփի գոլֆի ակումբի մոտ նախագահի այցից առաջ ձերբակալվել է զինված տղամարդ
Պետությունը ենթարկվել է հաքերային հարձակման
Բնակարանում հինգ նորածնի դիակ են գտել