ԵԿՄ վարչության նախագահ Սասուն Միքայելյանի՝ Հայաստանի անկախության և պետական սահմանների վերաբերյալ այսօրվա հայտարարությունը նոր արձագանքների տեղիք է տվել։
Միքայելյանը «Եռաբլուր» զինվորական պանթեոնում լրագրողների հետ զրույցում հայտարարել էր, որ Հայաստանը դեռևս գտնվում է անկախ պետականության ձևավորման փուլում։ Նրա խոսքով՝ ցանկալի է, որ Հայաստանը վերջնականապես ունենա պետական սահմաններ և լիարժեք անկախ պետություն լինի։
Միքայելյանը նաև հարց էր բարձրացրել՝ արդյոք հնարավոր է երկիրը անկախ համարել, եթե այն չունի օրինական, միջազգայնորեն ճանաչված պետական սահման։
Նրա այս հայտարարությունից հետո Անդրանիկ Քոչարյանը փորձել է հստակեցնել Միքայելյանի ասածը՝ շեշտադրելով, որ Հայաստանը պետական սահման ունի։
«Մենք պետական սահման ունենք»,- ասել է Քոչարյանը՝ խմբագրելով Սասուն Միքայելյանի խոսքը:
Հայաստանը դեռևս գտնվում է անկախ պետականության ձևավորման փուլում։ Այս մասին «Եռաբլուր» զինվորական պանթեոնում լրագրողների հետ զրույցում հայտարարել է «Երկրապահ» կամավորականների միության նախագահ Սասուն Միքայելյանը։
Նրա խոսքով՝ ցանկալի է, որ Հայաստանը վերջնականապես ունենա պետական սահմաններ և կարողանա ամբողջությամբ անկախ պետություն լինել։
Միքայելյանը նշել է, որ անկախության համար պայքարած ազատամարտիկներն ու երկրապահները իրենց առջև դրված խնդիրն արել են, սակայն, նրա գնահատմամբ, հետագա քաղաքական գործընթացները պետք է հասցվեին վերջնական արդյունքի։
«Ազատամարտիկներն ու երկրապահներն իրենց գործը փայլուն արել են անկախության համար, բայց քաղաքական գործիչները պետք է այն տանեին մինչև վերջնական հաղթանակ»,– ասել է նա։
Միաժամանակ Միքայելյանը հարց է բարձրացրել՝ արդյոք հնարավոր է պետությունը լիարժեք անկախ համարել, եթե այն չունի միջազգայնորեն ճանաչված պետական սահմաններ։
«Մենք ասում ենք՝ անկախ ենք։ Բայց կա՞ օրինական, միջազգայնորեն ճանաչված պետական սահման»,– նշել է նա։
Լրագրողի դիտարկմանը, թե առանց պետական սահմանների առկայության դեպքում ինչպես է Հայաստանը համագործակցել միջազգային կառույցների հետ, Միքայելյանը պատասխանել է, որ երկիրը երկար տարիներ, իր գնահատմամբ, գտնվել է մեկ այլ պետության ազդեցության ներքո։
«Մենք եղել ենք ուրիշ պետության վասալ։ Այս տարիների ընթացքում ինչ թելադրել են, արել ենք»,– ասել է նա։
Բաց մի թողեք
Ռուսաստանի գաղտնի ծրագիրը՝ կամիկաձե անօդաչու թռչող սարքերի արտադրությունը գերհզորացնելու համար
Արմեն Գրիգորյանը առաջադրեց իր թեկնածությունը. Լուսանկար
Ստանձնել եմ Արթուր Վարդանյանի շահերի պաշտպանությունը. Սերգեյ Հարությունյան. Լուսանկար