ՀՀ վարչապետ Նիկոլ Փաշինյանը «Ֆեյսբուք»-ի իր էջում տեսանյութ է հրապարակել, որում խոսել է հոկտեմբերի 25-ին ՀՀ 21 համայնքում տեղի ունեցած ՏԻՄ ընտրությունների մասին:
Վարչապետը նշել է, որ ընտրությունների արդյունքներով «Քաղաքացիական պայմանագիր» կուսակցությունը և «պրոՔՊ-ական» թեկնածուները ջախջախիչ հաղթանակներ են տարել:
Ըստ Փաշինյանի՝ չնայած սա ուրախալի փաստ է թվում, բայց իրականում ինքն այնքան էլ ուրախ չէ, որ որոշ համայնքներում ՔՊ-ն ստացել է 90+, 80+, 70+ տոկոս քվեներ:
«Մի կողմից մենք պետք է ՀՀ-ից արմատախիլ անենք լրտեսական ընդդիմությունը, որը կառավարվում է դրսից, մյուս կողմից ՀՀ-ն պետք է ունենա պետականակենտրոն ընդդիմություն: Մենք ոչ մի բան պետք է չանենք նման ընդդիմություն ունենալու համար, որովհետև կհայտնվենք ավելի վատ վիճակում՝ վերադառնալով անցյալին: Դա նույնքան աղետ կլինի ՀՀ-ի համար»,- ասել է վարչապետը:
Նա հավելել է, որ նման ընդդիմություն ունենալը, իհարկե, անհրաժեշտություն է, բայց մյուս կողմից Կառավարությունը չի կարող ընդդիմություն ստեղծել․ դա կլինի կեղծ ու կառավարվող ընդդիմություն:
Վարչապետը որպես լուծում նշել է մի շարք քաղաքական ուժերի ակտիվացման անհրաժեշտության մասին:
Բաց մի թողեք
Տեղի է ունեցել Հայաստան-ԵՄ համատեղ աշխատանքային խմբի հինգերորդ հանդիպումը
Հունաստանում ՀՀ դեսպան Տիգրան Մկրտչյանը մասնակցել է «Floral Meteorites from Armenia» ցուցահանդեսի բացմանը. Լուսանկարներ
Դատախազությունում տեղի են ունեցել կադրային փոփոխություններ