Պեսկովը խոսել է նաև Հայաստանի մասին

Ռուսաստանի Դաշնությունը եվրոպացիներից ոչ մի առաջարկ չի ստացել՝ կապված ուկրաինական հակամարտության բոլոր կողմերի համար անվտանգության երաշխիքների հետ, հայտարարել է ՌԴ նախագահի մամուլի քարտուղար Դմիտրի Պեսկովը։

«Եվրոպացիները չեն կարողացել որոշել, թե ով է լիազորված նրանց անունից խոսել Ռուսաստանի Դաշնության հետ. Մոսկվան արձանագրել է նրանց կողմից երկարատև անորոշություն»,- ասել է Պեսկովը։

▪ ԱՄՆ-ի հետ հումանիտար և քաղաքական շփումները արդյունավետորեն լրացնում են միմյանց։

▪ Եվրոպացիների հետ երկխոսությունը անհրաժեշտ կլինի այն ժամանակ, երբ քննարկումը վերաբերի թե՛ Ռուսաստանի, թե՛ Ուկրաինայի անվտանգության ապահովմանը, ինչպես նաև եվրոպական անվտանգության ճարտարապետության ապագային։

▪ Պեսկովը հրաժարվել է մեկնաբանել Թրամփի հայտարարությունը՝ կապված Ուկրաինայի և, ընդհանուր առմամբ, Եվրոպայի վերաբերյալ հնարավոր «խոշոր համաձայնագրի» հետ։

▪ Երևանը ներկայումս փաստացի չի մասնակցում ՀԱՊԿ-ի աշխատանքներին։

▪ Պուտինն այսօր աշխատանքային խորհրդակցություն կանցկացնի Ռուսաստանի Անվտանգության խորհրդի մշտական ​​անդամների հետ։

▪ ՀԱՊԿ-ին Հայաստանի անդամակցության հարցը կլուծվի հենց կազմակերպությունում քննարկումների արդյունքների հիման վրա։

«Հայաստանի՝ ՀԱՊԿ-ին անդամակցության հարցը կլուծվի կազմակերպության ներսում քննարկումների արդյունքներով»:

Այս մասին ճեպազրույցի ժամանակ նշել է ՌԴ նախագահի մամուլի քարտուղար Դմիտրի Պեսկովը:

«Դուք գիտեք, որ Երևանն այժմ դե ֆակտո չի մասնակցում ՀԱՊԿ-ի աշխատանքներին։ Դուք լսել եք Երևանի պաշտոնական հայտարարությունը ՀԱՊԿ-ում մասնակցության նպատակահարմարության վերաբերյալ դիրքորոշման մասին:

Իսկապես, կանոնադրական փաստաթղթերում որոշակի քայլեր են սահմանված, դե իսկ հետո ամեն ինչ կախված կլինի նրանից, թե ինչպիսի քննարկումներ տեղի կունենան կազմակերպության շրջանակներում», – պարզաբանել է Պեսկովը։

ՌԴ փոխարտգործնախարար Ալեքսանդր Պանկինը հայտարարել է, որ ՀԱՊԿ-ի Հավաքական անվտանգության խորհուրդը կարող է հաջորդ շաբաթ որոշում կայացնել Հայաստանին զրկելու կազմակերպությունում ձայնի իրավունքից: