Թուրքիայի նախագահ Ռեջեփ Թայիփ Էրդողանը Եգիպտոսում՝ Գազայի հարցով խաղաղության գագաթնաժողովի շրջանակներում, Իտալիայի վարչապետ Ջորջիա Մելոնիի հետ զրույցի ժամանակ կատակել է, որ վերջինս պետք է թողնի ծխելը։
Զրույցի կադրերը հրապարակել է թուրքական İhlas (İHA) գործակալությունը։
Մելոնին սեղմել է Էրդողանի ձեռքը և նշել, որ իրենց ինքնաթիռները վայրէջք են կատարել գրեթե միաժամանակ։ Ի պատասխան՝ թուրք առաջնորդը հայտարարել է, որ իտալացի քաղաքական գործիչը հիանալի տեսք ունի, ապա ավելացրել. «Բայց ես պետք է քեզ ստիպեմ թողնել ծխելը»։
Մելոնին ի պատասխան ծիծաղել է՝ համաձայնելով թուրք առաջնորդի խոսքերին։ «Ես չեմ ուզում մեկին սպանել»,- հավելել է նա։
Երկու առաջնորդներն էլ ժամանել էին Շարմ էլ-Շեյխ՝ Իսրայելի և ՀԱՄԱՍ-ի պատերազմի ավարտի կապակցությամբ կայանալիք խաղաղության գագաթնաժողովին։ Հատկանշական է, որ Էրդողանի ինքնաթիռը անմիջապես վայրէջք չի կատարել։ Նա և Իրաքի վարչապետ Մուհամմեդ Շիա աս-Սուդանին պատրաստվում էին հրաժարվել միջոցառմանը մասնակցելուց, եթե այնտեղ ժամաներ Իսրայելի վարչապետ Բենյամին Նեթանյահուն։ Սակայն Նեթանյահուն Եգիպտոս չի մեկնել։
Բաց մի թողեք
Հունգարիայի ընդդիմության առաջնորդ Պետեր Մագյարը ոստիկանություն է ներկայացրել «մեղրի թակարդի սեքս-տեսանյութի» սկանդալի վերաբերյալ հաղորդումը
ՌԴ դատարանը ադրբեջանական միավորումը ճանաչել է ծայրահեղական կազմակերպություն
Չինաստանը կարող է մեկ հեռախոսազանգով դադարեցնել պատերազմը Ուկրաինայում․ ՆԱՏՕ-ում ԱՄՆ ներկայացուցիչ