Հայաստանի տարածքային կառավարման և ենթակառուցվածքների նախարար Դավիթ Խուդաթյանը Իրան կատարած այցի շրջանակում հանդիպում է ունեցել Իրանի նավթի նախարար Մոհսեն Պակնեժադի հետ, հաղորդում է Mehr-ը։
Իրանի նախարարը, բարձր գնահատելով դժվարին պահերին Հայաստանի ցուցաբերած աջակցությունը, վերահաստատել է հյուսիսարևմտյան հարևանի հետ իր հնարավորությունների սահմաններում համագործակցությունը խորացնելու վերաբերյալ Թեհրանի պատրաստակամությունը:
Նա նշել է, որ երկու երկրների միջև առկա էներգետիկ գործընկերությունը հիմնված է «գազ՝ էլեկտրաէներգիայի դիմաց» սկզբունքի վրա։
Պակնեժադը հայտարարել է, որ Իրանը առաջարկել է նոր առևտրային մոդել, որն ուղղված է բնական գազի արտահանման ընդլայնմանը։
Ինչպես փոխանցում է Tasnim-ը, Պաքնեժադն հավելել է, որ առաջարկի իրականացման համար անհրաժեշտ է համակողմանիորեն գնահատել առկա ենթակառուցվածքները և Հայաստանը որպես տարածաշրջանային տարանցիկ միջանցք օգտագործելու միջոցով հայկական շուկայից դուրս գազի առևտրի ընդլայնման նպատակահարմարությունը:
Բաց մի թողեք
Եվրոպային սպառնում է ԱՄՆ-ի «վնասակար սննդի» ուղին. զգուշացնում է ամերիկացի փորձագետը
Պարտքի սպասարկման աճող ծախսերը և խարդախությունները ԵՄ բյուջեն վերածում են «ճնշման կաթսայի»
NVIDIA-ի և Թումոյի շուրջ վերջին զարգացումները Հայաստանի համար ստեղծված փուչիկ ու սուտ ազդակ են