Կադիրովը մահացե՞լ է

«Եթե մարդը չի գալիս և խորհրդակցություն չի անցկացնում, դա չի նշանակում, որ նա «մահամերձ է կամ արդեն մահացել է»։

Այս մասին տարածաշրջանային կառավարության անդամների հետ խորհրդակցության ժամանակ հայտարարել է Չեչնիայի ղեկավար Ռամզան Կադիրովը, հայտնում է РИА Новости-ն։

Ըստ Կադիրովի, ամեն օր խորհրդակցություններ անցկացնել պետք չէ, քանի որ «համակարգը կարգավորված է», հայտնում է РБК-ն։ «Բավական է կանչել մոտդ կամ զանգահարել, ցանկացած հանձնարարություն տալ. ահա այսպիսի համակարգ է մեզ մոտ»,- ասել է Կադիրովը։

«Դիմում եմ նրանց, ովքեր էժանագին բաներ են գրում, մենք ողջ ենք… Մեր գաղափարախոսությունը մեր առաջին նախագահի ուղին է, և մենք ոչ մի վայրկյան չենք շեղվել այդ ուղուց»,- ավելացրել է Կադիրովը։