«Քաղաքացիական պայմանագիր» կուսակցությունում արդարադատության նախարարի պաշտոնի թեկնածության համար քննարկվում են մի քանի նոր թեկնածուների անուններ:
Մասնավորապես՝ Երևանի փոխքաղաքապետ Սուրեն Գրիգորյանի, ՔՊ խմաբկցության պատգամավոր Արմեն Խաչատրյանի և վարչապետի մամուլի խոսնակ Նազելի Բաղդասարյանի անունները:
Նկատենք, որ Սուրեն Գրիգորյանը նախկինում զբաղեցրել է արդարադատության փոխնախարարի պաշտոնը, Արմեն Խաչատրյանը իրավագիտության մասնագետ է, Նազելի Բաղդասարյանը ևս ունի իրավագետի կրթություն:
Կուսակցության առաջիկա վարչության նիստում հավանաբար նրանից մեկը կընտրվի արդարադատության նախարար:
«Քաղաքացիական պայմանագիր» խմբակցության պատգամավոր Արմեն Խաչատրյանը հաստատել է՝ իր թեկնածությունն առաջադրվել է Արդարադատության նախարարի պաշտոնում։
Այս մասին նա հայտնել է լրատվամիջոցների հետ զրույցում՝ նշելով, որ եթե վարչությունն ընտրի իրեն, ինքը պատրաստ է տեղափոխվել գործադիր:
Հիշեցնենք՝ ՀՀ արդարադատության նախարար Գրիգոր Մինասյանը պաշտոնից ազատման դիմում է գրել: Նրան պաշտոնանկ անելու համար «Քաղաքացիական պայմանագիր» խմբակցությունը ստորագրահավաք էր նախաձեռնել:
Բաց մի թողեք
ԱՄՆ-ն ցանկանում է Ավստրիան, Հունգարիան, Իտալիան և Լեհաստանը հեռացնել ԵՄ-ից
Իրան – ԱՄՆ – ԵՄ․ Ինչ գիտենք բողոքի ցույցերի մասին. ԱՄՆ-ն ու ԵՄ-ն «կգան նրանց օգնության», եթե Թեհրանը սպանի ցուցարարներին
«Մենք խոշոր տերությունների ձեռքում խաղաքար չենք», – ասում է Գերմանիայի կանցլերը ամանորյա ուղերձում