Մերցը առաջին փուլով չընտրվեց, երկրորդ փուլով ընտրվեց Գերմանիայի կանցլեր

Գերմանիայի Բունդեսթագում կայացած առաջին փուլում Քրիստոնեա-դեմոկրատական միության (ՔԴՄ) և Քրիստոնեա-սոցիալական միության (ՔՍՄ) պահպանողական դաշինքի թեկնածու Ֆրիդրիխ Մերցը չի ընտրվել կանցլեր։

Նա չի կարողացել ստանալ անհրաժեշտ 316 ձայները։ Մերցին կողմ է քվեարկել 310 պատգամավոր, դեմ՝ 307, իսկ երեք պատգամավոր մնացել է ձեռնպահ։

Քրիստոնեա-դեմոկրատական ​​միության առաջնորդ Ֆրիդրիխ Մերցը, ըստ լուրերի, ցանկանում է այսօր անցկացնել քվեարկության երկրորդ փուլ։ Խմբակցության ներսում զրույցներում նա լավատեսություն է հայտնում և կարծում է, որ որոշներն իր՝ կանցլեր լինելու «դեմ» քվեարկել են ոչ թե լուրջ, այլ տրամադրությունից դրդված, գրել է Bild-ը։

Բունդեսթագի վարչակազմը, իրավաբանները և մյուս խմբակցությունները պետք է միջոց գտնեն այսօր երկրորդ փուլն անցկացնելու համար։ ՔԴՄ-ն, Ձախերը և «Այլընտրանք Գերմանիայի համար» կուսակցություներն արդեն համաձայնության են եկել կրկնակի քվեարկության շուրջ։

Ֆրիդրիխ Մերցը երկրորդ փուլով ընտրվել է Գերմանիայի կանցլեր։

Նա ստացել է խորհրդարանականների 325 ձայն։