Բավարիայի Վյուրցբուրգի համալսարանի գիտնականները Հայաստանում փորձարկում են դեպի Մարս ապագա թռիչքների 2 ռոբոտ, ինչպես նաև նոր տիեզերական հանդերձներ:
Այս մասին գրում է գերմանական Bild պարբերականը՝ նշելով, որ հետազոտական խումբը մինչև ապրիլի սկիզբը կմնա «լոլիկով և ձմերուկով հայտնի Արմաշ գյուղում»:
Փորձարկումներին մասնակցում է 2 կին և 4 տղամարդ, որոնք փորձում են նոր տեսակի սկաֆանդրները և դրանց փոխազդեցությունը ռոբոտների հետ լիակատար մեկուսացման պայմաններում։
Առաքելությանը կոչվում է Amadee-24, դրան մասնակցում է ավելի քան 200 գիտնական աշխարհի 26 երկրից։
Հետազոտության ընթացքում պայմանական «տիեզերագնացները» մշտական կապի մեջ են սիմուլյացված կառավարման կայանի հետ, որը գործում է Ավստրիայի տիեզերական ֆորումի և Հայաստանի տիեզերական գործակալության կողմից։ Մոտ տասը րոպե փոխանցման ուշացումն արհեստականորեն ներառվել է ռադիոհաղորդումների մեջ՝ այն ավելի մոտեցնելու համար Մարսի առաքելության իրական պայմաններին՝ հաշվի առնելով Երկրի և Մարսի միջև հեռավորությունը:
Պարբերականը նշում է, որ ըստ փորձագիտական կարծիքի, որ մոտ 15 տարի կպահանջվի, մինչև մարդիկ առաջին անգամ ոտք դնեն Մարս։
Բաց մի թողեք
Շուրջ 69 մլրդ դրամի ներդրում 2025-ին՝ էլեկտրաէներգետիկական, գազամատակարարման և ջրամատակարարման համակարգերում
Իրանը սկսել է հրաժարվել ադրբեջանական ապրանքներից
TRIPP-ը նոր հնարավորություններ է ստեղծում միջտարածաշրջանային համագործակցության համար․ Հաջիև