Ռուսաստանի անվտանգության խորհրդի փոխնախագահ Դմիտրի Մեդվեդևը կարծում է, որ անհրաժեշտ է «սպանել» բոլորին, ովքեր ներգրավված են մերձմոսկովյան Կրասնոգորսկ քաղաքի Crocus City համերգասրահում տեղի ունեցած ահաբեկչության մեջ։ Համապատասխան գրառումը հրապարակվել է նրա «Տելեգրամ»-ի ալիքում։
Ըստ նրա՝ այդ մարդկանց պետք է վերացնել, «և այդպես էլ կլինի»։ Միևնույն ժամանակ, քաղաքական գործիչը նշել է, որ շատ ավելի կարևոր է ոչնչացնել ողբերգության մեջ ներգրավված բոլորին՝ բոլոր նրանց, ովքեր վճարել են, ովքեր պատվիրել են, ովքեր օգնել են։
Քիչ առաջ Դաշնային խորհրդի սենատոր Ելենա Աֆանասևան ասել է, որ ռուսներն ակնկալում են, որ մահապատժի մորատորիումը նորից կկիրառվի որոշ ծանր հանցագործությունների, այդ թվում՝ ահաբեկչության համար։ «Եդինայա Ռոսիա» կուսակցությունը խոստացել է աշխատել մահապատժի թեմայով։
Իր հերթին Պետդումայի Պետական շինարարության և օրենսդրության կոմիտեի ղեկավար Պավել Կրաշենիննիկովը հայտարարել է, որ Ռուսաստանում մահապատժի վերաբերյալ վեճերը կարող են սխալ ուղղությամբ տարվել:
Մարտի 22-ին Մոսկվայի Crocus City Hall-ում ահաբեկչություն էր տեղի ունեցել: Ինքնաձիգով զինված անձինք համերգից առաջ ներխուժել էին համերգասրահ և անկանոն կրակահերթեր արձակել մարդկանց ուղղությամբ, այրել նստարանները։ Վերջին տվյալներով՝ ահաբեկչության զոհերի թիվը 137 է։
ՌԴ բուժհաստատություններում է գտնվում 107 տուժած։ Ծայրահեղ ծանր վիճակում գտնվողների թվում է մեկ երեխա։ ՌԴ նախագահ Վլադիմիր Պուտինը հայտարարել է Crocus City Hall-ում տեղի ունեցած ահաբեկչության բոլոր մեղավորներին կալանավորելու մասին։
Ընդհանուր առմամբ կալանավորվել է ահաբեկչության հետ առնչություն ունեցող 11 մարդ, 4-ը՝ կատարող:
Դատարանի որոշմամբ՝ չորս մեղադրյալները մինչև մայիսի 22-ը կալանավորվել են:
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»