Հավաքական անվտանգության պայմանագրի կազմակերպությունից արձագանքել են Նիկոլ Փաշինյանի այն հայտարարությանը, որ կառույցը չի հայտնել, թե ո՞րն է իր պատասխանատվության գոտին Հայաստանում։
РБК-ին կազմակերպությունից հայտնել են, որ ՀԱՊԿ-ը Հայաստանում իր պատասխանատվության գոտին համարում է նրա ինքնիշխան տարածքը՝ կարգավորված պետական սահմանների շրջանակներում:
Կազմակերպությունում նշել են, որ պատասխանատվության գոտու վերաբերյալ ձևակերպումը բավականին բարդ է, և այն ավելի շատ նպատակ ունի ուշադրություն հրավիրել հանրապետությունում տիրող իրավիճակի վրա, քան ստանալ առարկայական պատասխան։
«Համաձայն 2010 թվականի փոխգործակցության սկզբունքների մասին համաձայնագրի, որը ստորագրվել է ՀԱՊԿ-ի կողմից, պատասխանատվության գոտին անդամ պետությունների ինքնիշխան տարածքն է: ՀԱՊԿ պատասխանատվության գոտին ավարտվում է այնտեղ, որտեղ անցնում է պետական սահմանը, որը կարգավորվում է Հայաստանի և նրա հարևանների միջև երկկողմ հիմքով»,- հավելել են կազմակերպությունում:
Նկատենք, որ Նիկոլ Փաշինյանը նաև ընդգծել էր՝ եթե ՀԱՊԿ-ը կպատասխանի հնչեցված հարցերին, ու այդ պատասխանները համընկնեն Հայաստանի պատկերացումներին, ապա դա կնշանակի, որ Հայաստանի ու ՀԱՊԿ-ի միջև հարցերը լուծված և ամփոփված են։ Իսկ եթե երկրի պատկերացումների հետ պատասխանը չհամընկնի, ապա Հայաստանը դուրս կգա ՀԱՊԿ-ից, սակայն, թե երբ, չի կարող ասել:
Բաց մի թողեք
Արտառոց դեպք Երևանում․ համբուրվող զույգին մոտեցածները ներկայացել են որպես ոստիկան ու պահանջել 50 հազար դրամ
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Խարդախությամբ գումար են հափշտակում․ ՆԳՆ ոստիկանությունը զգուշացնում է