Այսօր Մայր բուհի լսարաններից մեկում միջադեպ է տեղի ունեցել,որի տեսանյութը տարածվել է համացանցում։
Մի քանի երիտասարդներ մուտք են գործում լսարաններից մեկը և պահանջում դադարեցնել դասն ու միանալ դասադուլին, իսկ դասախոսը պահանջում է չխանգարել դասը։
«Սա պետական հաստատություն է։ Դուք իրավունք չունեք իմ դասը խանգարելու։ Ուսանողները ուսանողներ են»,- ռուսերենով ասել է նա։
Երևանի պետական համալսարանի Արհմիությունը կոչ է անում ԵՊՀ բոլոր դասախոսներին և աշխատողներին միանալ համազգային բողոքի և խաղաղ անհնազանդության միջոցառումներին:
Միաժամանակ հորդորում ենք ԵՊՀ ղեկավարությանը որևէ ձևով չխոչընդոտել խաղաղ անհնազանդության և բողոքի միջոցառումներին միանալու ցանկություն հայտնած ԵՊՀ դասախոսների և աշխատողների քայլերին:
ԵՊՀ Արհմիությունը այս ընթացքում ուշի-ուշով հետևելու է ԵՊՀ ղեկավարության բոլոր գործողություններին: Հետապնդման կամ խոչընդոտելու որևէ դեպք նկատելու դեպքում մենք իրավունք ենք վերապահում մեզ օգտագործելու ՀՀ օրենսդրությամբ չարգելված բոլոր միջոցները՝ ԵՊՀ ղեկավարության նմանատիպ գործողությունները կանխելու և աշխատողների իրավունքները պաշտպանելու համար:
Բաց մի թողեք
Էդիկ Մինասյանի նկատմամբ տնային կալանք է կիրառվել. Լուսանկար
Քննությունից առաջ ավտոդպրոցում կրթություն ստանալը պարտադիր է լինելու․ ՆԳ նախարար
ՀՀ քաղաքացիներին արգելվա՞ծ է սովորել Ստամբուլում․ Քոփթաշի արձագանքը