Մայիսի 27-ին իրավապահները ժամերի ընթացքում բացահայտել են Օձուն գյուղում տեղի ունեցած սպանությունը:
Օպերատիվ տեղեկություն է ստացվել ենթադրյալ սպանություն կատարողի ինքնության և նրա գտնվելու վայրի մասին, իսկ ոստիկանության օպերատիվ խումբը հայտնաբերել է կասկածյալին ու բերման ենթարկել ոստիկանության Թումանյանի բաժին:
Կասկածյալը՝ Լոռու մարզի բնակիչ 27-ամյա Սոֆյա Կ.-ն, խոստովանել է արարքն ու հայտնել, որ անձնական հարցերի շուրջ ծագած վիճաբանության ժամանակ հողը փխրեցնելու համար նախատեսված բրիչով (փոցխ) հարվածներ է հասցրել Լ. Խեչումյանին, ինչից հետո, նրան թողնելով դեպքի վայրում, հեռացել է:
Սոֆյա Կ.-ն ոստիկաններին է ներկայացրել նաև հանցագործության գործիքը: Նա ձերբակալվել է:
Աղբյուրի տեղեկություններով՝ Սոֆյա Կ.-ն նախկինում մի քանի անգամ եղել է դատապարտված՝ բնակարանային գողություններ կատարելու համար:
Ավելի վաղ հայտնել էինք՝ Օձուն գյուղի 5-րդ փողոցի տներից մեկում հայտնաբերել է տղամարդու դի։ Դատաբժշկի նախնական եզրակացության համաձայն՝ գլխին առկա էր եղել հարվածի 3 հետք։
Բաց մի թողեք
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
Կնոջը հրավիրել են ամառանոց և փորձել բռնաբարել․ կրակոցներ են հնչել
«Անպիտան հրթիռների» գործով մեղադրյալ, ԶՈՒ ավիացիայի նախկին պետն ու նրա ընտանիքի անդամները կանչվել են դատախազություն. Լուսանկար