Մամիկոն Ասլանյանն ազատ է արձակվել

Վանաձորի նախկին քաղաքապետ Մամիկոն Ասլանյանն ազատ է արձակվել Վարդաշեն Քրեակատարողական հիմնարկից 10 մլն դրամ գրավի դիմաց:

Հիշեցնենք՝ Վանաձորի նախկին քաղաքապետը մեղադրվում է կեղծ փաստաթղթեր կազմելու միջոցով Վանաձորի համայնքապատկան հողերն օտարելու համար։

Մեղադրանք է առաջադրվել նաև նրա երկու ենթականերին՝ նախկին իրավաբանին ու համայնքի գլխավոր ճարտարապետին ևս։

Ավելի վաղ հայտնել էինք, որ Ասլանյանի խափանման միջոցը փոխվել էր:

Ասլանյանը անազատության մեջ է 2021 թվականի դեկտեմբերից:

Նրան մեղադրանք է առաջադրվել պաշտոնեական լիազորությունները չարաշահելու, պաշտոնեական լիազորություններն անցնելու, պաշտոնեական կեղծիքի հատկանիշներով։

Ըստ մեղադրական եզրակացության՝ Մամիկոն Ասլանյանը, 2016 թվականի հոկտեմբերի 10-ից մինչև 2021 թվականի հոկտեմբերի 10-ն ընկած ժամանակահատվածում զբաղեցնելով ՀՀ Լոռու մարզի Վանաձոր համայնքի ղեկավարի պաշտոնը, չարաշահել է իր պաշտոնական լիազորությունները, դիտավորությամբ ակնհայտորեն դուրս է եկել իր լիազորությունների շրջանակից և կատարել պաշտոնական կեղծիք:
Վերջինս իրեն առաջադրված մեղադրանքը չի ընդունում։ Ըստ նրա՝ իր նկատմամբ քաղաքական հետապնդում է իրականացվում։