Արտակարգ դեպք՝ Տավուշում․ Աղստև գետը ողողել է Խաշթառակում գտնվող «Հեքիաթ» ճամբարի տարածք. Լուսանկար

Այսօր՝ հուլիսի 28-ին, արտակարգ դեպք է տեղի ունեցել Տավուշի մարզում։

Ժամը 12։35-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Իջևան խոշորացված համայնքի Խաշթառակ բանակավայրի մոտ գործող «Հեքիաթ» ճամբարում, Աղստև գետը վարարել և ողողել է ափամերձ հատվածը, որտեղ կան մեծ թվով քաղաքացիներ։

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են ՀՀ ՆԳՆ ՓԾ Տավուշի մարզային փրկարարական վարչության ճգնաժամային կառավարման կենտրոնի և Իջևանի փրկարարական ջոկատի փրկարարները։

Դեպքի մասին տեղեկանալով ՀՀ ՆԳՆ ոստիկանության Պարեկային ծառայության Տավուշի մարզի գումարտակի հրամանատար Արմեն Բեժանյանի հանձնարարականով ճամբարին են մոտեցել Տավուշի մարզի գումարտակի պարեկները։