ՔՊ խմբակցության պատգամավոր Արմեն Խաչատրյանի խոսքով՝ նույն խմբակցության պատգամավոր Անդրանիկ Քոչարյանի կողմից հնչեցրած հայտարարությունը, թե բանակում այն խնդիրները, որոնք կան և դառնում են ոչ մարտական պայմաններում զոհերի պատճառ, չի նշանակում, որ բանակում արված բարեփոխումները ձախողված են։
«Ո՛չ, չի նշանակում։ Այո՛, բանակում խնդիրներ ունենք, կադրային լուրջ խնդիրներ։ Մեկ կադր պատրաստելու համար տևում է առնվազն հինգ տարի, միայն ռազմական ակադեմիան ընդունվում ու ավարտվում են, տևում է չորս տարի։ Մենք նախագիծ կներկայացնենք, որով կփորձենք համալրել պաշտպանության ոլորտը»,- այս մասին լրագրողների հետ զրույցում ասաց Խաչատրյանը:
Նրա խոսքով՝ ՀՀ պաշտպանության նախարար Սուրեն Պապիկյանը մշտապես կապի մեջ է ԱԺ պաշտպանության և անվտանգության մշտական հարցերով հանձնաժողովի անդամների հետ․ «Սուրեն Պապիկյանը ահռելի աշխատանք է իրականացնում ՊՆ-ի և գլխավոր շտաբի հետ միասին։ Աշխատանքը բազմաբովանդակ է, այսօր բանակի մեջքը ուղղվելուն ուղղված գործողությունները նախարարը իրականացնում է պատշաճ»։
Բաց մի թողեք
1.5-ից 3 միլիոն դրամ զորացրվող զինվորին, քաղաքացիությունից հրաժարվելու դեպքում՝ 15 միլիոն դրամ պարտադիր վճար
Ավելի ահավոր բան չեմ պատկերացնում, քան՝ մանկապղծությունը
Կոչ անում այլ ադրբեջանցիներին այցելել «իրենց հայրենիքը», հիբրիդային պատերազմի «գիտակները» ևս լուռ են