Հոկտեմբերի 17-ին՝ առավոտյան ժամը 06:30-ի սահմաններում, Վարդենիս խոշորացված համայնքի Շատվան բնակավայրի բնակիչ Մանվել Հակոբյանը, մտնելով անասնագոմ, սատկած է հայտնաբերել իրեն պատկանող մոտ 100-ից ավելի մայրացու ոչխարներին և գառներին:
Ինչպես հայտնում է Shamshyan.com-ը, ահազանգը փոխանցվել է 9-11 ճգնաժամային կառավարման ազգային կենտրոն, Շատվանի վարչական ղեկավարին և ՆԳՆ ոստիկանության Վարդենիսի բաժնին:
Բնակչի խոսքով՝ 1 կամ 2 գայլ չի արել, ունեցած 400 մայրացու ոչխարներից ու գառներից ավելի քան 100-ը հոշոտվել են, մի քանիսն էլ վիրավոր են: Նա նաև նշել է, որ ոչխարները գնել էին վարկով:
Կայքը հայտնում է, որ Մ. Հակոբյանին պատճառվել է խոշոր չափի՝ մի քանի միլիոն դրամի վնաս:
Բաց մի թողեք
Վաղը մենք մի անգամ էլ կդիմենք ՀԾԿ հանձնաժողով` իջեցրո՛ւ սակագինը պրն. Մեսրոպյան
Սովորաբար գժանոցներում գժերը փակ տարածքում են պահվում, որ վնաս չտան հանրությանը, մեզանում՝ ազատ են
Հոսանքի գինը իջեցնելու մեր առաջարկը մերժվել է. Նարեկ Կարապետյան