Ռուբեն Վարդանյանը դուրս է եկել «ԿամԱԶ»-ի համասեփականատերերի ցանկից

«Տրոյկա Դիալոգ» ներդրումային ընկերության հիմնադիր Ռուբեն Վարդանյանը դադարել է բաժնեմաս ունենալ «Ավտոինվեստ» ՍՊԸ-ում, որը ցուցակագրված է որպես ԿամԱԶ բեռնատարների խոշորագույն ռուսական արտադրողի բաժնետերերից մեկը:

Այս մասին հայտնում է Kommersant-ը՝ նշելով, որ գործարարի՝ «Ավտոինվեստ»-ում ունեցած 15% մասնաբաժինը հոկտեմբերի 17-ին փոխանցվել է Դմիտրի Արտյակովին՝ «Ռոստեկ»-ի ղեկավարի առաջին տեղակալ Վլադիմիր Արտյակովի որդուն։

Նշված փաթեթի արժեքը Մոսկվայի բորսայում գնահատվում է 3,11 մլրդ ռուբլի։

Նշենք, որ գործարար և ԼՂ նախկին պետնախարար Ռուբեն Վարդանյանն ավելի քան մեկ տարի պահվում է Բաքվի բանտում: Ադրբեջանը նրան շինծու մեղադրանքներ է ներկայացրել: