Նախընտրական թուհուբոհը չի շրջանցել Ամերիկայում գյուղատնտեսությամբ հայտնի Վիսկոնսին նահանգի հայկական փոքր ու միջին ընկերություններին։
«Ամերիկայի ձայն»-ը գրում է. Մեղվարտադրությամբ զբաղվող Հովհաննես Գաբրիելյանին նախընտրական շրջանում առաջին հերթին հտաքրքրում են տնտեսական հարցերը։
Տնտեսության վերաբերյալ հանրապետականների խոստումները գործարարի համար հուսադրող չեն․ «Մտահոգ ենք։ Հարցեր կան, որոնք կապված են Միացյալ Նահանգների արտաքին բիզնեսների հետ։ Ամեն ինչ գնում ենք, աշխատում ենք Եվրոպայի, ասիական երկրների հետ և չենք կարող մեզ կտրել աշխարհից, ինչն առջարկում են հանրապետականները»։
Ամերիկայի հնագույն մեղրարտադող ընկերության՝ Honey Acer-ի սեփականատերն ասում է՝ ամեն ինչին պետք է պատրաստվել. «Չես կարող վերցնել ու քանդել քո հին կամուրջը, ասել, թե նորն եմ կառուցում։ Պետք է նորը կառուցել, հետո քանդել [հինը]»։
Ընկերությանը մեղրի համար տարեկան անհրաժեշտ է լինում 10 միլիոն տարա, որը ձեռք են բերում կա՛մ Չինաստանից, կա՛մ Մեքսիկայից։ Գաբրիելյանի խոսքով՝ հանրապետականների առաջարկը, թե 300% մաքս պետք է դրվի Չինաստանից եկող ապրանքի վրա, կհանգեցնի գնաճի։
Դեմոկրատներին դեմ չէ, սակայն թերահավատ է նրանց նախընտրական խոստուներին. «Ասում են, թե էսպես կանենք, էնպես կանենք։ Բա երեք տարի իշխանության էիք, ինչո՞ւ չարեցիք։ Անորոշ վիճակի մեջ ենք, չենք կողմնորոշվում՝ ինչ անել»։
Բաց մի թողեք
Զանգեզուրի միջանցքի շուրջ նոր խմորումներ Թուրքիայի ու Ադրբեջանի միջև
Ինչ է փնտրում հայ ադրբեջանական հարաբերություններում Գերմանիան
Թուրքիայի եւ Ադրբեջանի հանդեպ Հայաստանի Հանրապետության ռազմավարությունը