Այսօր՝ փետրվարի 4-ին, Երևանում անհայտ անձը կամ անձինք փորձել են ծառերի սպանդ իրականացնել:
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 11:00-ի սահմաններում Դավիթաշեն վարչական շրջանի ղեկավարի աշխատակազմում տեղեկություններ են ստացվել, որ անհայտ անձը կամ անձինք փորձել են Դավիթաշեն 4-րդ թաղամասի վերջնամասում՝ դեպի Զովունի տանող հատվածում գտնվող կանաչ ծառերի սպանդ իրականցնել:
Օպերատիվորեն ժամանել են թաղապետարանից, ինչպես նաև Երևանի քաղաքապետարանի աշխատակիցները, ովքեր հայտնաբերել են, որ 3 ծառ «քոքից» մասամբ կտրված է, 2 ծառերի բների վրա էլ միտումնավոր դիզվառելիք է լցված:
Այս պահին թաղապետարանի և քաղաքապետարանի աշատակցիները պատրաստվում են զեկուցագիր ներկայացնել Երևանի քաղաքապետ Տիգրան Ավինյանին, որից հետո հավանաբար քաղաքապետարանը դեպքի մասին կտեղեկացնի ՀՀ ներքին գործերի նախարարության ոստիկանության համայնքային ոստիկանության Դավիթաշենի բաժին:
Թե ինչ ընթացք կտա գործը, դեռևս հայտնի չէ, սակայն այս տարածքում տարիներ առաջ տիրում էր գարշահոտ վիճակ ու այն ժամանակվա Երևանի քաղաքապետ Տարոն Մարգարյանի և Դավիթաշենի այն ժամանակվա թաղապետ Ռուստամ Բաղդասարյանի ու բնակիչների շնորհիվ տարածքը մաքրվել ու տնկվել էին ծառեր, իսկ հիմա ինչ-որ ծառասպան կամ ծառասպաններ փորձել են ծառերի սպանդ իրականացնել:
Բաց մի թողեք
«Ես ի՞նչ իմանամ՝ շտաբի պետի պարտականությունը թողնել, փախչե՞լն ա, թե՞ զորքին ղեկավարելը»
Անհայտ անձինք Գորիսի մայթերին լուրջ վտանգ են ստեղծել երթևեկող քաղաքացիների համար․ մանրամասներ. Լուսանկար
Վրաստանի իշխանությունները ԵԽԽՎ-ից հետ են կանչել իրենց պատվիրակության անդամներին