Ադրբեջանի արտաքին գործերի նախարար Ջեյհուն Բայրամովը Աստանայում Ղազախստանի իր պաշտոնակից Մուրադ Նուրթլեուի հետ համատեղ մամուլի ասուլիսի ժամանակ հայտարարել է, թե Հայաստանն, իբր, դեռևս պահպանում է տարածքային նկրտումները Ադրբեջանի նկատմամբ:
Այս ծեծված կեղծ թեզից հետո Բայրամովը հայտարարել է, թե դա խոչընդոտ է Բաքվի և Երևանի միջև կայուն խաղաղության ճանապարհին:
«Արդեն բավական մեծ ճանապարհ է անցել միջպետական հարաբերությունների կարգավորման և Ադրբեջանի ու Հայաստանի միջև խաղաղության պայմանագրի ստորագրման գործընթացում։ Չնայած դրան, տևական խաղաղության ճանապարհին բազմաթիվ խոչընդոտներ կան։
Հիմնական խնդիրներն են Հայաստանի Սահմանադրության մեջ պահպանվող տարածքային պահանջներն Ադրբեջանի նկատմամբ, այդ երկրի սրընթաց ռազմականացումը, աճող ռևանշիստական տրամադրությունները»,- հայտարարել է Բայրամովը։
Բաց մի թողեք
Ավելի քան 200 ուղևոր արգելափակվել է դեպի Երևան չվերթի ուշացման պատճառով․ ինչ է հայտնի
Մոսկվան «մտահոգված է». հրադադարի առաջարկը նման է «ծուղակի». ռուսական աղբյուրներ
Ուկրաինական զորքերը Կուրսկի մարզը լքում են առանց կռվի. «Պետք չէ առաջ վազել»