Սպիտակ տան Օվալաձև կաբինետում ԱՄՆ նախագահի սեղանի կարմիր կոճակը պետք է դիետիկ կոլա պատվիրելու համար։ Այս մասին ԱՄՆ նախագահ Դոնալդ Թրամփը հայտնել է Fox-ի լրագրող Լորա Ինհրեմին։
Լրագրողի հետ զրուցելիս Թրամփը մոտեցել է իր սեղանին և սեղմել կարմիր կոճակը։
«Նրանք ասում են, որ եթե ես սեղմեմ այն, աշխարհի վերջը կգա»,- ասել է Թրամփը՝ ի պատասխան խնդրանքի՝ իրեն ցույց տալ «կոլայի կոճակը»: Նա դժգոհել է, որ Սպիտակ տան այցելուները կարծում են, թե կոճակն անհրաժեշտ է միջուկային զենքի արձակման ակտիվացման համար։
Դոնալդ Թրամփը, երբ հունվարի 20-ին երկրորդ անգամ է ստանձնել ԱՄՆ նախագահի պաշտոնը, վերադասավորումներ է կատարել Օվալաձև կաբինետում։ The Wall Street Journal-ը (WSJ) գրել է, որ քաղաքական գործիչը, մասնավորապես, իր սեղան է վերադարձրել դիետիկ կոլա պատվիրելու կոճակը։ 2021 թվականին Ջո Բայդենը Օվալաձև կաբինետից հեռացրել է կոճակը, որը Թրամփը տեղադրել էր իր առաջին նախագահական ժամկետի ընթացքում։
Բաց մի թողեք
Ես չեմ կառչում աթոռից, մենք պատրաստ ենք ընտրություններ անցկացնել, եթե անվտանգային իրավիճակը թույլ տա. Զելենսկի
Ռուսական բանակը շրջափակման մեջ է, հայտնել է Զելենսկին
Դոնալդ Թրամփը չի բացառել, որ կարող է Երրորդ Համաշխարհային պատերազմ սկսվել