Starlink-ն արդեն գործում է Հայաստանում ..․ Իլոն Մասկ, Փաշինյան, Հայրապետյան

Starlink-ն արդեն գործում է Հայաստանում։ Այս մասին իր թվիթերյան էջում գրել է Իլոն Մասկը։ 

«Starlink-ն այժմ գործում է Հայաստանում` դառնալով աշխարհի 130-րդ երկրում հասանելի գերարագ ինտերնետ ծառայությունը»,-նշել է նա:

ՀՀ վարչապետ Նիկոլ Փաշինյանը սոցցանցի իր էջում անդրադարձել է Starlink-ի՝ Հայաստանում հասանելի լինելուն: «Starlink արբանյակային ինտերնետը այլևս հասանելի է Հայաստանում:

Starlink-ի բաժանորդները կարող են իրենց աշխատանքը կազմակերպել Հայաստանի Հանրապետության ողջ տարածքում, բնության գրկում, սարերում, դաշտերում, անտառներում՝ մնալով անմիջական կապի մեջ աշխարհի եւ բնության հետ»,- գրում է վարչապետը։

STARLINK-ը պաշտոնապես Հայաստանում է։ Այս մասին ֆեյսբուքյան էջում գում է ԲՏԱ նախարար Մխիթար Հայրապետյանը։

«Ուրախ ենք հայտնել, որ STARLINK-ի ծառայությունները Հայաստանում արդեն հասանելի են՝ ապահովելով արագ, հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։ Այս կարևոր քայլը հնարավոր դարձավ Հայաստանի բարձր տեխնոլոգիական արդյունաբերության նախարարության, STARLINK ընկերության և պետական գործընկերների համատեղ ու նվիրված աշխատանքի շնորհիվ։

Ինչո՞ւ է սա կարևոր՝

Թվային ենթակառուցվածքների նոր մակարդակ՝ անվտանգ, որակյալ կապի ապահովմամբ։

Հասանելիություն համաշխարհային առաջատար ծառայություններին։

Կապի նոր հնարավորություններ բոլորի համար՝ անկախ գտնվելու վայրից։ Հաջորդ սերնդի ինտերնետն արդեն Հայաստանում է:

Սակագները՝ այստեղ»,- ասվում է գրառման մեջ։