Ուկրաինան չի ընդունի ԱՄՆ ռազմական օգնությունը որպես պարտք. Զելենսկի

Ուկրաինան չի ճանաչի Վաշինգտոնի ռազմական օգնությունը որպես պարտք:

Այս մասին ճեպազրույցի ժամանակ հայտարարել է Վլադիմիր Զելենսկին։

Ուկրաինայի և ԱՄՆ-ի միջև հանքային ռեսուրսների վերաբերյալ նոր համաձայնագրի նախագիծը Կիևին պահանջում է փոխհատուցել տրամադրված բոլոր օգնությունները, որոնց գումարը կարող է գերազանցել 120 միլիարդ դոլարը, գրում է «European Pravda» թերթը՝ վկայակոչելով իր մոտ եղած փաստաթղթի պատճենը։

«Ուկրաինան ԱՄՆ-ից ստացել է հանքային ռեսուրսների վերաբերյալ նոր համաձայնագրի նախագիծ, որը բոլորովին այլ փաստաթուղթ է, քան նախորդ շրջանակային համաձայնագիրը։ Ուկրաինան չի ճանաչի ԱՄՆ ռազմական օգնությունը որպես պարտք:

Մենք շնորհակալ ենք աջակցության համար, բայց սա վարկ չէ և թույլ չենք տա»,- ասել է Զելենսկին։

Արևմտյան մամուլը հայտնում է Վաշինգտոնի առաջարկած ընդերքի գործարքի վերանայված նախագծի մասին։

Ըստ այդմ՝ ԱՄՆ-ը հատուկ հիմնադրամի միջոցով վերահսկողություն ձեռք կբերի Ուկրաինայի նավթի և գազի պաշարների կեսի, նրա բոլոր մետաղների և ենթակառուցվածքների մեծ մասի վրա՝ ներառյալ երկաթուղիները, նավահանգիստները, խողովակաշարերը և վերամշակող գործարանները:

Հիմնադրամի անդամների կեսից ավելին վետոյի իրավունք կունենա և նշանակվելու է Վաշինգտոնի կողմից: Բացի այդ, ԱՄՆ-ը կստանա բոլոր հոնորարները, քանի դեռ Ուկրաինան առնվազն 100 միլիարդ դոլար չի վճարել ամերիկյան կողմին որպես ռազմական օգնության փոխհատուցում` 4 տոկոս հավելավճարով։ Ուկրաինան կսկսի ստանալ ռոյալթիի 50 տոկոսը միայն պարտքի մարումից հետո։