04/06/2025

Դիանա Գասպարյանը հրաժեշտ է տվել աշխատակազմին ու ետնամուտքով հեռացել. Լուսանկարներ

Համայնքի ղեկավարի լիազորություններից հրաժարված Դիանա Գասպարյանը հրաժեշտ է տվել աշխատակազմին:

Այս մասին հայտնում են Վաղարշապատի համայնքապետարանից:

Վաղարշապատ խոշորացված համայնքի ղեկավար Դիանա Գասպարյանն այսօր արդեն հրաժարականի դիմումը գրել և հրաժեշտ է տվել անձնակազմին: Լրագրողները համայնքապետարանում սպասում էին տիկին Գասպարյանին, սակայն նա հետնամուտքից գաղտագողի հեռացավ:

Հիշեցնենք, որ Հակակոռուպցիոն կոմիտեում քրեական վարույթ կա նախաձեռնված Դիանա Գասպարյանի և իր ամուսնու ընտանիքի հետ կապված:

Մամուլը գրել էր, որ Վաղարշապատ համայնքի ղեկավար Դիանա Գասպարյանի ամուսնու ընտանիքն Էջմիածնում առանձնատների կառուցման բիզնես է սկսել: Այդ նպատակով, գործընկերների օգնությամբ, ձեռք է բերվել համայնքային հողատարածք և, չսպասելով թույլտվություններին, հողային և բետոնացման աշխատանքներ են կատարվել:

Վերջերս Դիանա Գասպարյանի ամուսինը՝ ՔՊ-ական ավագանու անդամ Արամայիս Միրզոյանն էր հայտնվել կրիմինալ պատմության կիզակետում: Նրա ընկերը՝ Վաղարշապատում հայտնի Ճապը, Միրզայանին պատկանող գազալցակայանում սպանել է Էջմիածինի բնակիչ Արթուր Պարոնյանին: Այս դեպքով հարուցվել է քրեական վարույթ, սպանությունը կատարող անձին դեռևս չեն հայտնաբերել:

497675139_1125493799609935_2694808160918049621_n.jpg (107 KB)499045692_1125493849609930_799033756177435354_n.jpg (180 KB)

«Տիկին Դիանա Գասպարյանը, ով շուրջ յոթ տարի ղեկավարել է համայնքը, պաշտոնապես հրաժեշտ տվեց աշխատակազմին։

Նրա ղեկավարման տարիներին համայնքն ընդլայնել է արտաքին կապերը՝ ստեղծելով համագործակցության նոր հարթակներ` տեղական և միջազգային մակարդակում, իրականացվել են մի շարք ծրագրեր, կյանքի են կոչվել համայնքային զարգացման ռազմավարական նախագծերը։

499045692_1125493849609930_799033756177435354_n.jpg (180 KB)

Համայնքի ղեկավարը շնորհակալություն է հայտնել աշխտակազմին այս տարիների համագործակցության, ներդրած ջանքերի համար, հորդորել ամեն աշխատանքային օրը նվիրել համայնքի զարգացման տեսլականը կյանքի կոչելուն ուղղված քայլերին»,- ասվում է հաղորդագրության մեջ:

499057885_1125493809609934_4503558408061948755_n.jpg (261 KB)

Մայիսի 15-ին Վաղարշապատ համայնքի ղեկավար Դիանա Գասպարյանը հայտարարել էր, որ վայր է դնելու մանդատը և այլևս չի զբաղեցնելու համայնքի ղեկավարի պաշտոնը: