ՀՀ ԱԺ նախագահ Ալեն Սիմոնյանը, անդրադառնալով ԱԺ-ի կողմից ոսկե համրիչ գնելու մասին լուրին և այդ փաստի շուրջ աղմուկին, պարզաբանում է հրապարակել:
«Ասեմ, շատ չտանջվեք, թզբեհ նվիրել եմ բարեկամ երկրի նախագահներից մեկին, նման ավանդույթ կա, ինչպես, օրինակ, ինձ Ղազախստանում նվիրեցին շատ թանկ մորթիով բաճկոն և գլխարկ:
Մենք նույնպես միշտ տարբեր երկրներ տարբեր նվերներ ենք տանում և ստանում, ինչը նորմալ է: Ի դեպ, մեր նվերները հանձնել եմ ու հանձնվում է ԱԺ թանգարան կամ պետգույք:
Իսկ մանկան խանութից մեծ քանակով նվերներ արել եմ երեխաներին Գյումրու դպրոց այցելելիս ու էլի շատ ու շատ հայ բալիկների»,- գրել է նա:
Նշենք՝ «Ժողովուրդ» օրաթերթն ավելի վաղ գրել է, թե լրագրողն անձամբ Ալեն Սիմոնյանից փորձել էր հետաքրքրվել, թե ում համար է գնել ոսկե համրիչը, ում է նվիրել և ինչու չի տալիս հաշվետվություն այդ մասին: ԱԺ նախագահն ասել է՝ «կասեմ, բայց առանց տեսախցիկի»:
Բաց մի թողեք
Սիրի՛ր քո պետությունը, ինչպես ինքդ քեզ. Փաշինյան
Ջարդել, վառել, խափանել ներքին զորքերի տեղակայման վայրերի դարպասները. ինչ էր պլանավորել «Սրբազան պայքար»-ը
ԵՄ-ն պատրաստ է կանգնել Հայաստանի կողքին. վարչապետն ընդունել է բարձր ներկայացուցիչ Կայա Կալասին. Լուսանկարներ