Մի պահ եկեք պատկերացնենք, որ Աշոտ Փաշինյանը կամ Շուշան Փաշինյանը թուրքերի մոտ գերի են, այդ իսկ պատճառով Փաշինյանը ստիպված կատարում է թշնամու ամեն մի պահանջ և ոչ մի դեպքում իրավունք չունի հրաժարական տալու՝ հեռանալու:
Հրապարակ թերթը գրել է․ Եթե իրավիճակին նայենք այն տեսանկյունից, որ նման ծանր վիճակում է հայրը, ում երեխաները գերի են, շատ բան միանգամից հասկանալի կդառնա: Օրինակ, բոլորս գիտենք, թե ինչքան ցածր է Փաշինյանի վարկանիշը և ինչ անհեռատես վարքագիծ է նա դրսևորում մեծաքանակ հետևորդ ունեցող կառույցները թիրախավորելով: Պարզ է չէ՞, որ եկեղեցու ոչ մի նորմալ հետևորդ այս արշավից հետո էլ իրեն չի ընտրելու: Կամ` ինչ ջանասիրությամբ է հարգանք վայելող մարդկանց վիրավորում, պարզ է չէ՞, որ Լևոն Տեր-Պետրոսյանն` այսօրվա գրառումից հետո իրեն հարգող և լսող բոլոր մարդկանց ասելու է էդ ազգակործան պատուհասին ձայն չտաք:
Փաշինյանը ջանք ու եռանդ չի խնայում իրեն ատողների քանակն օր օրի ավելացնելու համար, բայց դրանով էլ չի սահմանափակվում. զարմանալի հաջողությամբ կարողանում է երբեմնի թշնամիներին բարիշացնել իրար հետ` միավորել մի ընդհանուր օրակարգի շուրջ և այդ օրակարգն իրենից մեկ օր շուտ ազատվելն է:
Երկարատև թշնամանք ունեցող Տեր-Պետրոսյանը և Վեհափառ հայրապետն են հանդիպում, բազմամյա թաքուն մրցակիցներ Սերժ Սարգսյանը և Ռոբերտ Քոչարյանն են փորձում համախմբվել: Հիմա հարց` ո՞ր մի նորմալ քաղաքական գործիչն իր հակառակորդներին դիտմամբ այսպես կհամախմբեր ու կմիավորեր: Ակնհայտ է, որ Փաշինյանն ամեն ինչ անում է, որ բոլորը իր դեմ աշխատեն ու իրեն թույլ չտան վերընտրվել:
Եթե մի պահ ենթադրենք, որ նա թշնամու ձեռքում պատանդ է, ապա նրա բոլոր քայլերը տրամաբանական և հասկանալի են դառնում: Աստծուց կրա՞կ եք ուզում` է՞լ ինչ անի, որ իրեն չընտրեն, որ ինքը ազատվի այդ գերությունից: Մտեք մարդու դրության մեջ, վերջապես:
Բաց մի թողեք
Իշխանությունը «խփել» է գլխներին, մոռացել են իրենց լրագրողական անցյալը
Պատկերացրեք, ինչ հաճույքով կհրապարակեն Միքայել ու Բագրատ Սրբազանների մահվան վճիռը
Ովքե՞ր են կանգնած Ծաղկաձորում բարձրահարկ շենքերի կառուցման ետեւում, ի՞նչ անուններ են շրջանառվում