Ուկրաինայի ղեկավար Վլադիմիր Զելենսկու դեմ երկու մահափորձ է իրականացվել՝ Ժեշովի օդանավակայանում և նախագահի նստավայրում, ասել է Ուկրաինայի անվտանգության ծառայության ղեկավար Վասիլ Մալյուկը։
Նրա խոսքով՝ Լեհաստանում մահափորձը նախապատրաստել է թոշակառու զինվորական, որը զորակոչվել է դեռևս խորհրդային տարիներին։ Մալյուկը նշել է, որ զինվորական տարիներ շարունակ մշակել էր այս ծրագիրը։
Կիեւում ծրագրին մասնակցել է Պետական անվտանգության վարչության գնդապետը։ «Մահափորձը պլանավորվել էր հենց կառավարության շենքում»,- ասել է նա։
Ուկրաինայի նախագահ Վլադիմիր Զելենսկին հայտարարել է, որ ուկրաինական հետախուզության տվյալներով՝ Ռուսաստանը նոր ռազմական գործողություններ է նախապատրաստում Եվրոպայում։
«Մենք արձանագրում ենք Ռուսաստանի ղեկավարության հետագա մտավոր դեգրադացիա և ունենք ապացույցներ, որ նրանք նոր ռազմական գործողություններ են նախապատրաստում Եվրոպայում», – ասել է նա։
Զելենսկին նաև նշել է, որ պատժամիջոցները լուրջ վնաս են հասցնում Ռուսաստանի տնտեսությանը։
Ըստ Ուկրաինայի նախագահի՝ սա հաստատում է միջազգային ճնշումը մեծացնելու ռազմավարության ճշմարտացիությունը։
Զելենսկին ընդգծել է, որ Ուկրաինան գործընկերներին կտեղեկացնի հետախուզության կողմից ստացված փաստերի մասին և արդեն իսկ համատեղ որոշումներ է պատրաստում Մեծ Բրիտանիայի և Եվրամիության հետ՝ Եվրոպայի պաշտպանությունն ամրապնդելու համար։
Բաց մի թողեք
Քեյշա Լենս Բոթոմսը դարձել է ԱՄՆ-ում նահանգապետ ընտրված առաջին սևամորթ կինը. Լուսանկար
Դեմոկրատները հաղթանակ են տարել ԱՄՆ միջանկյալ ընտրություններում՝ վերահսկողություն հաստատելով Կոնգրեսի երկու պալատներում
«Ձեր երեխաներին ասեք, որ վատ մարդիկ պարտվեցին»․ մահմեդական նորընտիր սենատորը դիմել է նաև Թրամփին. Լուսանկար