Մոլորակի ամենահարուստ մարդկանցից մեկը՝ «Amazon»-ի հիմնադիր Ջեֆ Բեզոսը, ուրբաթ՝ հունիսի 27-ին, Վենետիկում շքեղ հարսանիք է կազմակերպել հեռուստահաղորդավարուհի Լորեն Սանչեսի հետ։


Եռօրյա միջոցառմանը ներկա են եղել բարձրակարգ աստղեր՝ դերասաններ, թագավորական ընտանիքների անդամներ, ռեալիթի շոուի աստղեր և այլք։ Հյուրերի թվում էին Օփրա Ուինֆրին, Օռլանդո Բլումը, Քայլի Ջենները, Քիմ Քարդաշյանը և Իվանկա Թրամփը։
Տոնակատարությունը ավարտվել է շաբաթ՝ հունիսի 28-ին, նորապսակների և նրանց հյուրերի համար կազմակերպված երեկույթով։

Լորեն Սանչեսը կրել է Dolce & Gabbana-ի ժանյակավոր զգեստ, որի ստեղծման համար պահանջվել է 900 ժամ։ Նա լուսանկարիչներին ասել է, որ իրեն արքայադստեր պես է զգում։
55-ամյա Սանչեսը և 61-ամյա Բեզոսը արարողությունից կարճ ժամանակ անց Instagram-ում լուսանկար են հրապարակել։
Հարսանիքին հրավիրվել է մոտ 200 մարդ, այդ թվում՝ ընտանիքի 70 անդամ։ Արարողությունը տեղի է ունեցել ուրբաթ օրը Սան Ջորջո փոքրիկ կղզում։

Հայտնի չէ, թե որքան է արժեցել հարսանիքը. դրա արժեքը գնահատվում է 20 միլիոնից մինչև ավելի քան 50 միլիոն դոլար։
Սա և՛ Սանչեսի, և՛ Բեզոսի երկրորդ ամուսնությունն է։ Նրանք նախորդ հարաբերություններից ունեն, ընդհանուր առմամբ, յոթ երեխա։
Զույգը նշանադրվել է 2023 թվականի մայիսին՝ «Կորու» սուպերզբոսանավի վրա և նույն թվականի նոյեմբերին նշանադրության երեկույթ է կազմակերպել Բևեռլի Հիլզում։






Բաց մի թողեք
«Եվրոպայում ավարտին է մոտենում կլիմայական նորմայից տաք եղանակի շրջանը». կլիմայական ծայրահեղությունների դարաշրջան
Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից
Ինչպե՞ս Հայաստանում ծնված երեխայի համար ստանալ ԱՄՆ քաղաքացիությունը հաստատող փաստաթուղթ, եթե ծնողներից մեկը ԱՄՆ քաղաքացի է