Չինաստանը և Ադրբեջանը զարգացնում են սերտ համագործակցություն։
Ինչպես հաղորդում է APA-ն, այս մասին լրագրողներին հայտարարել է Ադրբեջանի Հանրապետության նախագահի օգնական – նախագահի աշխատակազմի արտաքին քաղաքականության հարցերի բաժնի ղեկավար Հիքմեթ Հաջիևը։
Նրա խոսքով՝ Չինաստանը տեխնոլոգիական հասանելիություն է ապահովում Հարավի երկրների համար։ Հիքմեթ Հաջիևը նշել է, որ երկու երկրների միջև առևտրաշրջանառությունն աճել է 40%-ով։
«Ադրբեջանը և Չինաստանը կշարունակեն զարգացնել երկկողմ տնտեսական և առևտրային համագործակցությունը։ Ներկայումս այս համագործակցությունը ներառում է նաև արհեստական բանականության, վերականգնվող էներգիայի և թվային տրանսֆորամցիայի ոլորտները», – հավելել է դիվանագետը։
Անդրադառնալով Միջին միջանցքի ներուժին՝ նախագահի օգնականը շեշտել է, որ Չինաստանի և Ադրբեջանի միջև համագործակցությունը թույլ կտա ավելի արդյունավետ օգտագործել այս միջանցքը։
Նրա խոսքով՝ «Զանգեզուրի» (նկատի ունի ՀՀ Սյունիքի մարզը – խմբ․) տարածքով միջանցքի բացումը, որը, նրա խոսքով, «նախատեսված է Հայաստանի և Ադրբեջանի միջև խաղաղության համաձայնագրով», նույնպես կընդլայնի Միջին միջանցքի հնարավորությունները։
Բաց մի թողեք
«Ալիևի հարաբերությունները սրված են Պետական անվտանգության ծառայության տնօրեն Նաղիևի հետ»
Ռուսաստանի «մեկուսացվածության» ցայտուն վկայություններն ավելանում են
Ալիևը՝ Ռուսաստանին ռազմական պատասխան հարված հասցնելու մասին