Վրաստանի ողջ տարածքում «գողական աշխարհի» դեմ ուղղված հատուկ գործողության շրջանակներում ձերբակալվել է 30 մարդ։ Այս մասին այսօր ճեպազրույցի ժամանակ հայտարարեց Վրաստանի Ներքին գործերի նախարարության ներկայացուցիչ Թորնիկե Մարսագիշվիլին։
Քննությունը պարզել է, որ մեղադրյալները կապի մեջ են եղել արտասահմանում գտնվող «օրենքով գողերի» հետ և կատարել են նրանց հրահանգները։ Նրանք կազմակերպել են «գողական բախումներ» և լուծել ֆինանսական վեճերը՝ քրեական հեղինակությունների ներգրավմամբ։ Վիճող կողմերից մեկը, ի վերջո, պարտավորվել է գումար վճարել ինչպես իր հակառակորդին, այնպես էլ միջնորդներին։ Եթե վճարումները ուշանում էին, քաղաքացիներին սպառնում էին սպանությամբ։
Մեղադրյալների տների խուզարկություններից հետո ոստիկանությունը առգրավել է համակարգչային սարքավորումներ և բջջային հեռախոսներ, որոնք նրանք օգտագործել են միմյանց հետ և արտասահմանում գտնվող «օրենքով գողերի» հետ շփվելու համար, հրազեն և կանխիկ գումար՝ որպես ապացույց։ Լուրը հայտնում է «Գրուզիա օնլայն»-ը
Ձերբակալվածներից 19-ը մեղադրվում են «գողական աշխարհի անդամներին դիմելու», յոթը՝ «գողական աշխարհի գործունեությանը աջակցելու», իսկ չորսը՝ «անդամակցության» մեջ։
Մեղադրանքներ են առաջադրվել «օրենքով գող» Թենգիզ Խոպերիային՝ «Չինկա» մականունով, և նրա հանցակիցներին, որոնք Վրաստանում չեն։
Գործի քննությունը շարունակվում է։ Մեղադրյալներին սպառնում է մինչև 15 տարվա ազատազրկում։
Բաց մի թողեք
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ
Փարիզում թալանված խանութի տերը՝ հարձակման զոհ. «10 տարվա աշխատանքս ավերված է, երեք օր է՝ չեմ քնել»
Խոստովանեց՝ Թուրքիան առաջվանը չէ