ԱՄՆ-ում անցկացված սոցհարցման արդյունքներով՝ առաջին անգամ Գազայում պատերազմը դադարեցնելու կողմնակիցները մեկ տոկոսով գերազանցել են Իսրայելին ռազմական օգնությունը շարունակելու ջատագովներին:
Այդ մասին գրում է իսրայելական «Եդիոտ ահրոնոտի» ռազմական հարցերով մեկնաբանը:
Նա արձանագրում է, որ Նաթանյահուի կառավարությունն «արդեն կորցրել է ԱՄՆ դեմոկրատական կուսակցության աջակցությունը, նրան քննադատում են երիտասարդ հանրապետականները»: Հեղինակը ենթադրում է, որ եթե որ Թրամփի նախագահության շրջանում, ապա հետագայում Իսրայելը կարող է զրկվել Միացյալ Նահանգների անվերապահ աջակցությունից:
Ամենաէականը, որ այդ վերլուծականը փոխանցում է, Գազայում պատերազմի շուրջ միջազգային հակաիսրայելական տեղեկատվա-քարոզչական խոսույթից անհանգստությունն է: Ըստ էության, հեղինակը մտահոգված է, որ գետնի վրա իրավիճակում պարտվելով՝ ՀԱՄԱՍ-ին հաջողվում է միջազգայնորեն ապալեգիտիմացնել Իսրայելի բանակի հաջողությունները:
Նա հատկապես ընդգծում է եվրոպական երկրների դիրքորոշումը և հանրային կարծիքը, ինչից «տուժում են հրեական համայնքները»: Եվրոպայում, իրոք, Իսրայելի վարչապետ Նաթանյահուի հիմնավորումները, որ պատերազմը ոչ թե պաղեստինցիների, այլ ահաբեկչության դեմ է, նվազ ընկալման է արժանանում:
Ակնկալվում է, որ ՄԱԿ-ի Գլխավոր ասամբլեայի նստաշրջանում Պաղեստինի և նրա ժողովրդի անունից հանդես կգա Թուրքիայի նախագահ Էրդողանը: Նախօրեին Իսլամական համերաշխության կազմակերպության և Արաբական լիգայի անդամ պետությունների արտգործնախարարների կոնտակտային խումբը հանդես է եկել հայտարարությամբ և դատապարտել Գազայում Իսրայելի «ցեղասպանական գործողությունները»:
Ըստ էության՝ Իսրայելը փորձում է միջազգային քաղաքականության օրակարգից հանել Պաղեստինի անկախության հարցը: Մերձավոր Արևելքում իրավիճակը գնալով ավելի է սրվում:
Ի՞նչ դիրքորոշում կդրսեւորի Միացյալ Նահանգները: Թուրք-ամերիկյան հնարավոր լարվածությունը կազդի՞ հայ-ադրբեջանական և հայ-թուրքական կարգավորման գործընթացին:
Բաց մի թողեք
Մեհթիևը «չի հանձնվում», Ադրբեջանում առնետավազք է սկսվել
Իշխանությունն արդեն մտնում է մեր ննջարաններն ու զուգարանները
Մանր քարիկներ կհպվեն եկեղեցու պատերին ու կթափվեն պատերի տակ՝ իբրև աղբ