Ադրբեջանական մամուլը մեկ տողով գրել է SOCAR-ի և ռուսաստանյան նավթագազային ընկերությունների միջև Մոսկվայում «ընթացող բանակցությունների» մասին:
Նույն օրը Ռուսաստանի նախագահի մամուլի քարտուղար Պեսկովը հայտարարել է, որ «Ադրբեջանի հետ բոլոր ուղղություններով քրտնաջան աշխատանք է տարվում»:
Այս ֆոնին ՏԱՍՍ-ը հայտնում է, որ նավթի համաշխարհային շուկայում առաջատար Gunvor ընկերությունը «Լուկօյլին» առաջարկել է գնել նրա արտասահմանյան բոլոր ակտիվները: Ըստ ՏԱՍՍ-ի, «Լուկօյլն» ընդունել է այդ առաջարկությունը և պարտավորվել այլևս ոչ մի գնորդի հետ առքուվաճառքի բանակցություններ չվարել: Գործարքի իրավաբանական բոլոր ձևակերպումները «կարող են ավարտվել մեկ տարվա ընթացքում»:
Չափազանց ուշագրավ է, որ ՏԱՍՍ-ի կողմից հրապարակված՝ «Լուկօյլի» արտասահմանյան ակտիվների ցանկում ընդգրկված են Բուրգասի նավթավերամշակման գործարանը, Բուլղարիայում լցակայանների ցանցը, ինչպես նաև Կասպից ծովում ադրբեջանական «Շահդենիզ» նավթահանքի 19,9 տոկոս բաժնեմասը և Ադրբեջանում բենզակայանները:
Ավելի վաղ ադրբեջանական մամուլը հայտնել է, որ Բուլղարիայի խորհրդարանն արտոնել է Բուրգասի նավթավերամշակման գործարանի վաճառքը: Պոտենցիալ գնորդ համարվում էր SOCAR-ը:
Նույն աղբյուրները նաև «տպավորություն են փոխանցել», որ Ադրբեջանը մտադիր է գնել նաև «Շահդենիզ» հանքավայրում «Լուկօյլի» մասնաբաժինը:
Այլ տեղեկություններով, Բաքուն հանդես պիտի գար որպես «անվանական գնորդ», իսկ իրականում »Լուկօյլի» մասնաբաժինը նախատեսված էր փոխանցել թուրքական երկու ընկերությունների:
Բաց աղբյուրներից հայտնի է, որ Gunvor groop –ը 1997թ.-ին հիմնադրել են Գենադի Տիմչենկոն և Թուրբյոռն Թյորկվիսթը: Այն պաշտոնապես գրանցված է Կիպրոսում, գրասենյակներ ունի աշխարհի մի շարք երկրներում, այդ թվում՝ Ռուսաստանում և Ղազախստանում:
Ի՞նչ կապեր ունի Gunvor-ը Ռուսաստանի կառավարության կամ պետական ու մասնավոր նավթային ընկերությունների հետ, հրապարակային տեղեկություններ չկան, առկա տեղեկատվությունից հասկացվում է, որ այն ադրբեջանական նավթի գնորդ և վերավաճառող չէ:
Կարևոր է թվում, որ «Լուկօյլի» արտասահմանյան ակտիվներից Ադրբեջանը ոչինչ գնել չի կարող, եթե ՏԱՍՍ-ի տարածած տեղեկատվությունը հավաստի և վերջնական է:
Այդ դեպքում տպավորություն է, որ «Լուկօյլ» – Ադրբեջան գործարքին Վլադիմիր Պուտինը դեմ է: Դա տնտեսականից զատ հսկայական իմիջային կորուստ է Ալիևի համար:
Բաց մի թողեք
Շիրակի մարզպետի խորհրդականը պաշտպանվում է իշխանության հովանավորությամբ․ Լուսանկար
Դեսպաններին էլի տարել են օկուպացված Արցախ, ինչ է պատմում Բաքուն
Իսրայելի պաշտոնակից Հերցոգին առաջարկել է «ներում շնորհել» վարչապետ Նաթանյահուին