Թեհրանը ոչ մի բանակցություն չի վարի Վաշինգտոնի հետ։
Այս մասին հայտարարել է Իրանի ազգային անվտանգության բարձրագույն խորհրդի քարտուղար Ալի Լարիջանին:
«Մենք ԱՄՆ-ի հետ ոչ մի բանակցություն չենք վարի»,-հայտնել է Լարիջանին, փոխանցում է ՌԻԱ «Նովոստին»։
Թեհրանը չի բանակցելու Միացյալ Նահանգների հետ, սոցիալական ցանցերում հայտարարել է Իրանի Ազգային անվտանգության բարձրագույն խորհրդի քարտուղար Ալի Լարիջանին։
Նրա խոսքով՝ ԱՄՆ նախագահ Դոնալդ Թրամփը «զոհաբերել է ամերիկացի զինվորներին իսրայելական նկրտումների համար»։ «Դատարկ հույսերով առաջնորդվելով՝ Թրամփը տարածաշրջանը քաոսի մեջ է գցել և այժմ մտահոգված է ամերիկյան զորքերի շրջանում զոհերի թվի աճով։ Իր մոլորեցնող գործողություններով նա իր սեփական «Ամերիկան առաջինը» կարգախոսը վերածել է «Իսրայելն առաջինը» կարգախոսի՝ զոհաբերելով ամերիկացի զինվորներին իսրայելական նկրտումների համար, և նոր կեղծ հայտարարություններով նա կրկին իր անձի պաշտամունքի գինը պարտադրում է ամերիկացի զինվորներին և նրանց ընտանիքներին։ Այսօր իրանական ժողովուրդը պաշտպանվում է։ Իրանի զինված ուժերը չեն սկսել ագրեսիան», – գրել է Լարիջանին։
Ի դեպ, Ալի Խամենեիի սպանությունից երկու օր անց հաղորդվել է, որ Լարիջանին բանակցություններ է վարում ԱՄՆ նախագահ Դոնալդ Թրամփի վարչակազմի հետ, ըստ Wall Street Journal-ի։ Հրատարակության տվյալներով՝ Լարիջանին կապ է հաստատել Միացյալ Նահանգների հետ օմանցի միջնորդների միջոցով և խնդրել բանակցություններ։
Մարտի 1-ին ԱՄՆ նախագահ Դոնալդ Թրամփը NBC News-ին ասել է, որ իրանցի պաշտոնյաները ներկայումս «բանակցություններ են վարում» ամերիկյան կողմի հետ։ Թրամփը չի մանրամասնել, թե իրանցի որ պաշտոնյաներն են մասնակցում բանակցություններին կամ ինչ թեմաներ են քննարկվում։
Բաց մի թողեք
Ինչու է ձախ կենտրոնամետները հաջողության հասնում Կոսովոյում. Լուսանկար
Թուրքիա – Իրան սահմանի անցակետերում ուղևորափոխադրումները դադարեցվել են
Պարսից ծոցի երկրները կոչ են անում Իրանին դադարեցնել հարձակումները