Ֆուտբոլի Հայաստանի գավաթի խաղարկությունում հայտնի դարձավ կիսաեզրափակիչ փուլի վերջին մասնակիցը։
Ուղեգիրը նվաճեց Հայաստանի Պրեմիեր լիգայի մրցաշարային աղյուսակը գլխավորող «Արարատ-Արմենիան»։
Քառորդ եզրափակիչի պատասխան հանդիպումը կայացավ Գյումրիում, որտեղ երևանյան ակումբը հյուրընկալվելիս վստահ հաղթանակ տոնեց տեղի «Շիրակի» նկատմամբ։ Գրանցվեց 2։0 հաշիվը հօգուտ հյուրերի։
Հատկանշական է, որ հանդիպման հիմնական իրադարձությունները ծավալվեցին երկրորդ խաղակեսում. դիմակայության ելքը վճռեցին գանացի հարձակվող Պոլ Այոնգոյի և բրազիլացի կիսապաշտպան Ուելթոնի դիպուկ հարվածները։
Քանի որ թիմերի միջև կայացած առաջին խաղում ևս «Արարատ-Արմենիան» առավելության էր հասել նվազագույն (1:0) հաշվով, երկու հանդիպումների ընդհանուր արդյունքով թիմն անխոչընդոտ շարունակում է պայքարը պատվավոր տիտղոսի համար։
Այսպիսով, վերջնականապես ձևավորվեց գավաթի խաղարկության կիսաեզրափակիչի մասնակիցների կազմը։ Եզրափակիչի ուղեգրի համար կպայքարեն գործող գավաթակիր «Նոան», «Ուրարտուն», «Արարատ-Արմենիան», ինչպես նաև Հայաստանի Առաջին խումբը ներկայացնող «Անդրանիկը»։
Բաց մի թողեք
Ապրիլի 16-ի աստղագուշակ․ Շատ մի ապավինեք ձեր շրջապատին, նրանք կարող են ձեզ հուսախաբ անել
Գարեգին Վարդանյանի հետ վերջին զանգը եղել է հոկտեմբերի 13-ին, նա տուն է «վերադարձել» անմահանալուց մեկ տարի հինգ ամիս անց. Լուսանկարներ
ՆԳՆ-ն նոր առաջարկ ունի. Փոփոխություններ վարորդական վկայական ստանալու քննությունների գործընթացում