Մեծ Բրիտանիայում Իրանի դեսպան Սեյեդ Ալի Մուսավին կանչվել է Արտաքին գործերի և համագործակցության նախարարություն՝ իրանական դիվանագիտական առաքելության Telegram ալիքում արված գրառման պատճառով:
Այս մասին ասվում է Արտաքին գործերի նախարարության հայտարարության մեջ։
«Մերձավոր Արևելքի հարցերով արտաքին գործերի նախարար Համիշ Ֆալկոները կանչել է Մեծ Բրիտանիայում Իրանի Իսլամական Հանրապետության դեսպանին՝ ի պատասխան սոցիալական ցանցերում Իրանի դեսպանատան կողմից արված անընդունելի և սադրիչ մեկնաբանությունների: Արտաքին գործերի և համագործակցության նախարարը հստակեցրել է, որ նման գործողություններն ու մեկնաբանությունները բացարձակապես անընդունելի են, և որ դեսպանատունը պետք է դադարեցնի ցանկացած հաղորդակցություն, որը կարող է մեկնաբանվել որպես բռնության հրահրում Մեծ Բրիտանիայում կամ այլուր», – ասվում է հայտարարության մեջ։
Ապրիլի 15-ին Լոնդոնում Իրանի դեսպանատունը Telegram ալիքում հրապարակել է պարսկերենով գրառում՝ կոչ անելով Մեծ Բրիտանիայում բնակվող իրանցիներին միանալ իրենց հայրենիքի պաշտպանությանը՝ ԱՄՆ-ի և Իսրայելի ռազմական գործողության ընթացքում:
Բրիտանական լրատվամիջոցները, որոնք անդրադարձել են այս գրառմանը, այն համարել են «նահատակության» խթանում և կապել այն հրեական կազմակերպությունների վրա վերջին շաբաթներին Մեծ Բրիտանիայի մայրաքաղաքում տեղի ունեցած մի շարք հարձակումների հետ։
Բաց մի թողեք
Փեզեշքիանը Իրանի և ԱՄՆ-ի հուշագիրը Թեհրանի համար պատվաբեր փաստաթուղթ է համարել
Թրամփը սպառնում է Մակրոնին ֆրանսիական գինիների վրա 100% մաքսատուրքերով
ԵՄ-ն պատրաստ է ակտիվ դեր խաղալ ԱՄՆ-Իրան խաղաղության գործընթացի հաջորդ փուլում․ Կայա Կալլաս