Հայաստան–ԵՄ գագաթնաժողովը կողմերի հարաբերություններում նշանակալի առաջընթաց կտա՝ հաստատելով Եվրոպական միության հաստատակամ հանձնառությունը Հայաստանի ինքնիշխանությանը, կայունությանը և բարեփոխումների օրակարգին։
Այս մասին ասվում է Եվրոպական արտաքին գործողությունների ծառայությունն իր պաշտոնական կայքում հրապարակված հայտարարության մեջ։
«Գագաթնաժողովին կմասնակցեն Ուրսուլա ֆոն դեր Լայենը և Անտոնիու Կոշտան՝ ներկայացնելով Եվրոպական միությունը, ինչպես նաև Հայաստանի վարչապետ Նիկոլ Փաշինյանը։ Մասնակցելու է նաև ԵՄ բարձր ներկայացուցիչ/Եվրահանձնաժողովի փոխնախագահ Կայա Կալլասը», – նշվում է հաղորդագրության մեջ։
Նշվում է, թե գագաթնաժողովի ընթացքում առաջնորդները կքննարկեն երկկողմ հարաբերություններում գրանցված վերջին առաջընթացը և կամրապնդեն համագործակցությունը, մասնավորապես՝ տնտեսության, փոխկապակցվածության և անվտանգության ոլորտներում։ Նրանք նաև կքննարկեն Հարավային Կովկասում կայունության և կայուն զարգացման ամրապնդմանն ուղղված համատեղ ջանքերը։ Օրակարգում կլինեն տարածաշրջանային և գլոբալ զարգացումներ, ներառյալ Ուկրաինան և Մերձավոր Արևելքը։
Նշվում է, որ կողմերը նաև կոնկրետ քայլեր կձեռնարկեն անվտանգության և պաշտպանության ոլորտում համագործակցությունը խորացնելու համար, այդ թվում՝ Հայաստանում ԵՄ նոր գործընկերային առաքելության ստեղծման միջոցով։
Բաց մի թողեք
Մեր երկրում ծայրահեղ աղքատությունը վերացման շեմին է եւ դա շատ շուտով կարձանագրվի պաշտոնապես. Փաշինյան
Փաշինյանը Երևանում սպասում է Զելենսկիին
Մուստաֆաևը Հայաստան այցի ընթացքում իր ծննդավայր՝ Տավուշի մարզի Ջուջևան գյուղ …