Ադրբեջանի նախագահ Իլհամ Ալիևը շնորհակալություն է հայտնել ԱՄՆ նախագահ Դոնալդ Թրամփին՝ իրեն ուղարկված՝ «Ազատության աջակցության մասին» օրենքի 907-րդ բանաձևի (արգելում է Ադրբեջանին ուղղակի ամերիկյան պետական օգնություն տրամադրելը – խմբ․) կասեցման ժամկետը երկարաձգելու վերաբերյալ հուշագրի համար, որը ուղեկցվել է ամերիկացի առաջնորդի անձնական նամակով։
Տեղեկությունը հայտնում են ադրբեջանական ԶԼՄ-ները։
Թրամփի կողմից ստորագրված և 2025 թվականի օգոստոսի 8-ի թվագրված փաստաթղթում հաստատվում է 907-րդ օրենքի չկիրառման ժամկետի երկարաձգումը Ադրբեջանի մասով։
Հուշագրում նշվում է, որ արտոնության ժամկետի պահպանումը անհրաժեշտ է միջազգային ահաբեկչության դեմ պայքարում ԱՄՆ ջանքերին աջակցելու, ԱՄՆ զինված ուժերի և նրանց դաշնակիցների գործառնական պատրաստվածությունն ապահովելու և Ադրբեջանի սահմանային անվտանգությունն ամրապնդելու համար։
Նաև ընդգծվում է, որ տրամադրվող օգնությունը չպետք է օգտագործվի Հայաստանի դեմ և չպետք է խոչընդոտի Բաքվի և Երևանի միջև խաղաղ կարգավորման հասնելու ջանքերին։
907-րդ բանաձևը (Section 907 of the Freedom Support Act) ԱՄՆ-ի Կոնգրեսի կողմից ընդունված օրենսդրական դրույթ է, որը ներառվել է 1992 թվականին ընդունված «Ազատության աջակցության ակտ»-ում (Freedom Support Act): Այս ակտը նպատակ ուներ աջակցել ԽՍՀՄ-ի փլուզումից հետո անկախություն ձեռք բերած պետություններին՝ նպաստելու նրանց ժողովրդավարական և տնտեսական զարգացմանը: Սակայն 907-րդ բանաձևը սահմանափակում էր ԱՄՆ-ի կողմից Ադրբեջանի կառավարությանը ուղղակի օգնության տրամադրումը։
Բաց մի թողեք
Հիվանդ մարդուն տարել են ոստիկանություն, վախեցրել, ստիպել՝ ցուցմունք տա, թե ընտրակաշառք են տվել. Տեսանյութ
Հայաստան․ Հունիսին կայանալիք խորհրդարանական ընտրություններին ընդառաջ աճել են կառավարության քննադատների ձերբակալությունները
Ի՞նչ է խոստացել Ալիևը՝ հիշեցնելով Փաշինյանի հետ համաձայնության մասին