Սամվել Կարապետյանը, անդրադառնալով Հայաստանի՝ ԵԱՏՄ-ի և ԵՄ-ի միջև արագ կողմնորոշվելու անհրաժեշտության մասին հայտարարությանը, ասել է, որ այս հարցը երկար ժամանակ չի կարող ձգվել։
«Շատ երկար չի կարող տևել, որովհետև հարցը կոնկրետ է դրված»,- լրագրողների հետ զրույցում նշել է նա։
Կարապետյանը նաև քննադատել է Նիկոլ Փաշինյանին՝ ասելով, որ վարչապետը կարող է անսպասելի քայլով փոխել իրավիճակը․ «Փաշինյանը շատ ուժեղ ֆոկուսնիկ է, կարող է մի հատ ֆոկուս անի, սաղ գցի տեղը»։
Ռուսական ռազմաբազան Հայաստանից դուրս բերելու հնարավորության մասին հարցին Սամվել Կարապետյանը պատասխանել է, որ նման դեպքում Հայաստանը կարող է տարածաշրջանում մնալ առանց աջակցության. «Կմնանք անտեր՝ այս տարածաշրջանում։ Դե բերեք թուրքական բազա տեղը դրեք, ինչ ասեմ»։
«Փաշինյանը ցանկանում է Տիգրանաշենի հողերը «ապօրինի գույք» ճանաչել և հանձնել պետությանը, բայց մենք դա թույլ չենք տալու»,- դատական նիստից առաջ լրագրողների հետ զրույցում ասել է Սամվել Կարապետյանը։
Նրա խոսքով՝ ինքը շատ հեշտությամբ կարող էր լուծել այդ հարցը։ Կարապետյանը նշել է, որ դեռ նախընտրական շրջանում Փաշինյանին առաջարկել է իր օգնությունը, սակայն վարչապետը չի ընդունել այդ առաջարկը։ Կարապետյանի խոսքով՝ իրենք նաև հողերը հետ բերելու ծրագիր են ունեցել, որը նախատեսում էր հարցը լուծել առանց պատերազմի։
Բաց մի թողեք
Ովքե՞ր են պայքարելու Արթիկի քաղաքապետի պաշտոնի համար․ Լուսանկար
Օկուպացված Արցախում այժմ 100 հազար մա՞րդ է ապրում․ ինչ է պնդում Հաջիևը
Վերադառնում ենք խորհրդային ժամանակներ. Լուսանկար