Բացարձակ մարտական առաջնության (UFC) ղեկավար Դանա Ուայթը հրաժարվել է զբաղեցնել Սպիտակ տան մամուլի քարտուղարի պաշտոնը, որը նրան առաջարկել էր ԱՄՆ նախագահ Դոնալդ Թրամփը, հայտնում է CNN-ը՝ հղում անելով իրավիճակին ծանոթ աղբյուրին։
«Մեզ պետք են այս մարդիկ, որպեսզի մեզ պաշտպանեն խելագար ձախերից։ Դանան կդառնա մամուլի քարտուղար, որը նման չի լինի ոչ մի ուրիշի։ Դանա՛, խնդրում եմ, համաձայնի՛ր», — շաբաթ օրը գրել է Թրամփը Truth Social սոցիալական ցանցում։
ԱՄՆ նախագահի օգնականներից մեկը ենթադրել է, որ նա գուցե կատակել է։ Սակայն Սպիտակ տան հաղորդակցությունների գծով տնօրեն Սթիվեն Չունգը պաշտպանել է նախաձեռնությունը՝ վերահրապարակելով Թրամփի գրառումը և Ուայթին կոչ անելով ընդունել առաջարկը։
UFC-ի ղեկավարն ինքը շաբաթ օրը կայացած մամուլի ասուլիսում ուղղակիորեն չի մեկնաբանել իրավիճակը։ Նա միայն հայտնել է, որ երկուշաբթի մտադիր է Վաշինգտոնում հանդիպել Թրամփի հետ։
Բաց մի թողեք
Իրանում 3 անձի մահապատժի են ենթարկել
Սլովակիան պատրաստ է վիճարկել Ռուսաստանից նավթի ներմուծման հնարավոր արգելքը
Մակրոնի համար գաղտնի բունկեր են պատրաստել